ജിദ്ദ: ശാരാ ഹിറാ മലയാളി സൗഹൃദ കൂട്ടായ്മയുടെ പ്രഥമ കുടുംബ സംഗമം 'ഹിറാ എന്റെര്റ്റൈന് 2025 ' ജിദ്ദയിലെ വാദിമുരീഖിലെ മെറീന വില്ലയില് നടന്നു. പ്രമുഖര് പങ്കെടുത്ത ഗാനമേളയും വടംവലിയും ഷൂട്ട് ഔട്ട് മത്സരങ്ങളും കുട്ടികളുടെ കലാ കായിക പരിപാടികളും അരങ്ങേറി.
ജിദ്ദ കേരള പൗരാവലി ചെയര്മാന് കബീര് കൊണ്ടോട്ടി സംഗമം ഉദ്ഘാടനം ചെയ്തു. ഹസീബ് പൂങ്ങാടന് അധ്യക്ഷത വഹിച്ചു. ജനറല് സെക്രട്ടറി നൗഷാദ് പാണ്ടിക്കാട് സ്വാഗതം പറഞ്ഞു. ഇസ്മായില് തങ്ങള്, ഹസ്സന് കൊണ്ടോട്ടി, സജാദ് പൂങ്ങാടന്, ഷാഹീം, നൗഷാദ് ചെമ്മാട് എന്നവര് ആശംസകള് നേര്ന്നു. പ്രസിഡന്റ് റഫീക്ക് ആര്യാടന് നന്ദി പറഞ്ഞു.
കൂട്ടയ്മയുടെ പ്രഥമ ലക്ഷ്യം തൊഴില് രഹിതരെ സഹായിക്കലാണ്. ശാറ ഹിറയില് പുതിയതായി എത്തുന്നവര്ക്കും ജോലി മാറ്റം ആഗ്രഹിക്കുന്നവര്ക്കും ലഭ്യമായ തൊഴില് അവസരങ്ങളെക്കുറിച്ച് വിവരങ്ങള് കൈമാറുന്നത് വഴി നിരവധി പേര്ക്ക് ജോലി നേടിക്കൊടുക്കാന് സാധിച്ചു എന്നതില് കൂട്ടയ്മക്ക് ചാരിദാര്ത്ഥ്യമുണ്ടെന്ന് സെക്രട്ടറി നൗഷാദ് പാണ്ടിക്കാട് പറഞ്ഞു. മുഖ്യാതിഥിയും ഉദ്ഘാടകനയുമായ കബീര് കൊണ്ടോട്ടിക്കുള്ള ഉപഹാരം ശാറാ ഹിറാ കൂട്ടായ്മയുടെ മുഖ്യരക്ഷാധികാരി ഇസ്മായില് തങ്ങള് കൈമാറി.
Related News
