റിയാദ്: സൗദി അറേബ്യയില്‍ 2025 നവംബറിലെ നിര്‍മ്മാണ ചിലവ് സൂചിക കഴിഞ്ഞ വര്‍ഷം ഇതേ മാസത്തെ അപേക്ഷിച്ച് 1.0 ശതമാനം വര്‍ധനവ് രേഖപ്പെടുത്തി. ജനറല്‍ അതോറിറ്റി ഫോര്‍ സ്റ്റാറ്റിസ്റ്റിക്‌സ് പുറത്തുവിട്ട കണക്കുകള്‍ പ്രകാരം താമസസ്ഥലങ്ങളുടെയും വാണിജ്യ കെട്ടിടങ്ങളുടെയും നിര്‍മ്മാണ ചിലവില്‍ ഉണ്ടായ 1.0 ശതമാനം വര്‍ധനവാണ് ഈ മാറ്റത്തിന് പ്രധാന കാരണം.

കഴിഞ്ഞ മാസത്തെ വില നിലവാരവുമായി താരതമ്യം ചെയ്യുമ്പോള്‍ നവംബറില്‍ നിര്‍മ്മാണ ചിലവ് കാര്യമായ മാറ്റമില്ലാതെ സ്ഥിരമായി തുടരുന്നു എന്ന് പ്രതിമാസ സര്‍വേ ഫലങ്ങള്‍ വ്യക്തമാക്കുന്നു.

വികസന പ്രവര്‍ത്തനങ്ങള്‍ ഏകോപിപ്പിക്കുന്നതിനും സുതാര്യമായ വിവരങ്ങള്‍ ലഭ്യമാക്കുന്നതിനുമായാണ് അതോറിറ്റി ഈ സൂചിക പ്രസിദ്ധീകരിക്കുന്നത്.