.jpg)
റിയാദ്: റിയാദിലെ അറിയപ്പെടുന്ന ജീവകാരുണ്യ പ്രവര്ത്തകനും ഒഐസിസി റിയാദ് സെന്ട്രല് കമ്മിറ്റി സെക്രട്ടറിയുമായിരുന്ന പാലക്കാട് ഷൊര്ണൂര് സ്വദേശി രാജു പാപ്പുള്ളി (53) ഹൃദയാഘതത്തെ തുടര്ന്നു നാട്ടില് അന്തരിച്ചു. ദീര്ഘകാലമായി റിയാദില് അല് മുംതാസ് പ്രിന്റിംഗ് പ്രസ്സ് ജീവനക്കാരനായി ജോലി ചെയ്തു വരികയായിരുന്നു. പ്രമേഹ രോഗം മൂര്ച്ഛിച്ചതിനെ തുടര്ന്നു കഴിഞ്ഞ ആഴ്ചയില് ആണു നാട്ടിലേക്ക് യാത്രയായത്. തൃശൂര് മെഡിക്കല് കോളേജ് ആശുപത്രിയില് വെച്ചായിരുന്നു അന്ത്യം. ഒഐസിസിയുടെ പ്രാരമ്പ കാലം തൊട്ടു സജീവ പ്രവര്ത്തകന് ആയിരുന്നു രാജു എന്നും ഒഐസിസി ക്കും കോണ്ഗ്രസ്സ് പ്രസ്ഥാനത്തിനും തീരാനഷ്ടം ആണു അദ്ദേഹത്തിന്റെ വിയോഗത്തിലൂടെ ഉണ്ടായിരിക്കുന്നത് എന്നും ഒഐസിസി പ്രസിഡന്റ് സലീം കളക്കരയും ജനറല് സെക്രട്ടറി ഫൈസല് ബാഹസനും അനുശോചന കുറിപ്പില് പറഞ്ഞു.
ഒഐസിസി റിയാദ് സെന്ട്രല് കമ്മിറ്റിക്ക് വേണ്ടി ജനറല് സെക്രട്ടറി സുരേഷ് ശങ്കര് അന്ത്യോപചാരമര്പ്പിച്ചു. മുന് പാലക്കാട് ജില്ലാ കമ്മറ്റി ഭാരവാഹികള് ആയ സുലൈമാന്, മുരളി പാപ്പുള്ളി, സൈദലവി, എന്നിവരും പങ്കെടുത്തു.
ഭാര്യ ബിന്ദു. ഏക മകന് പ്ലസ്ടുവിനു പഠിക്കുന്ന അര്ജുന്.
Related News
