ജിദ്ദ: ഒഐസിസി മലപ്പുറം ജില്ലാ കമ്മിറ്റി 2026-ലെ ഔദ്യോഗിക കലണ്ടര് പ്രകാശനം ചെയ്തു. ഷറഫിയ ബദര്തമാം മെഡിക്കല് ഗ്രൂപ്പിന്റെ സഹകരണത്തോടുകൂടിയാണ് കലണ്ടര് പുറത്തിറക്കിയത്. ഷറഫിയയില് നടന്ന ചടങ്ങില് ബദര് തമാം മെഡിക്കല് ഗ്രൂപ്പ് പ്രതിനിധികള് ഒ.ഐ സി.സി മലപ്പുറം ജില്ലാ കമ്മിറ്റി (ജിദ്ദ )ജനറല് സെക്രട്ടറി ഇസ്മായില് കൂരിപ്പൊയിലിന് കൈമാറി പ്രകാശന കര്മ്മം നിര്വഹിച്ചു.
ഒ.ഐ.സി.സിയുടെ സംഘടനാപരമായ പ്രവര്ത്തനങ്ങള് കൂടുതല് ക്രമബദ്ധവും സജീവവുമാക്കുന്നതിന് കലണ്ടര് സഹായകരമാകുമെന്ന് ചടങ്ങില് സംസാരിച്ചവര് അഭിപ്രായപ്പെട്ടു. സാമൂഹിക, സാംസ്കാരിക, സേവന പ്രവര്ത്തനങ്ങളില് ഒ.ഐ.സി.സി മലപ്പുറം ജില്ലാ കമ്മിറ്റി തുടര്ന്നും ശക്തമായ ഇടപെടല് നടത്തുമെന്നും അവര് വ്യക്തമാക്കി.
ചടങ്ങില് ഭാരവാഹികളായ കമാല് കളപ്പാടന്, സാജു റിയാസ്, ഷംസു മേലാറ്റൂര്, നൗഷാദ് ബഡ്ജറ്റ്, നിസ്നുഹുസൈന് ചുള്ളിയോട് തുടങ്ങിയ നേതാക്കളും പ്രവര്ത്തകരും സന്നിഹിതരായി.
Related News
