.jpg)
അല് അഹ്സ: 32 വര്ഷത്തെ പ്രവാസ ജീവിതത്തിലെ പ്രതീക്ഷകള് ബാക്കിയാക്കി അകാലത്തില് മരണമടഞ്ഞ തിരുവനന്തപുരം പോത്തന്കോട് സ്വദേശി അബ്ദുല് സലീമിനു് വേണ്ടി ഒ ഐ സി സി അല് അഹ്സ ഏരിയ കമ്മിറ്റി അനുസ്മരണവും, പ്രാര്ത്ഥനാ സദസ്സും സംഘടിപ്പിച്ചു. നാല് മാസം മുമ്പ് മകളുടെ വിവാഹ നിശ്ചയവും കഴിഞ്ഞ് തിരിച്ചെത്തിയ അബ്ദുല് സലീം അടുത്ത് നടക്കാനിരുന്ന ആ വിവാഹത്തിന് വീണ്ടും നാട്ടില് പോവാനുള്ള ഒരുക്കങ്ങള്ക്കിടയിലാണ് എല്ലാവരെയും ദു:ഖത്തിലാഴ്ത്തി യാത്രയായത്.
മൂന്ന് പതിറ്റാണ്ട് കാലം അല് അഹ്സയിലെ സമൂഹ്യ സാംസ്കാരിക പൊതുമണ്ഡലത്തില് മുന് നിര പ്രവര്ത്തകനും, ഒ ഐ സി സി അല് അഹ്സ ഏരിയ കമ്മിറ്റി എക്സിക്യൂട്ടീവ് മെമ്പറുമായിരുന്നു അബ്ദുല് സലീം. ഹുഫൂഫ് സംസം ആഡിറ്റോറിയത്തില് നടന്ന പ്രാര്ത്ഥനാ സദസ്സിന് ഉസ്താദ് നൗഷാദ് അമാനി നേതൃത്വം നല്കി. തുടന്ന് നടന്ന അനുസ്മരണ പരിപാടിയില് നവാസ് കൊല്ലം അദ്ധ്യക്ഷത വഹിച്ചു. ശാഫി കുദിര് അനുസ്മരണ യോഗം ഉദ്ഘാടനം ചെയ്തു.
അര്ശദ് ദേശമംഗലം, ഷമീര് പനങ്ങാടന്, ഷാനി ഓമശ്ശേരി, ലിജു വര്ഗ്ഗീസ്, അഫ്സല് മേലേതില്, മൊയ്തു അടാടിയില്, അനിരുദ്ദന് കായംകുളം, എം ബി ഷാജു എന്നിവര് പ്രസംഗിച്ചു. ഉമര് കോട്ടയില് സ്വാഗതവും ഷിബു സുകുമാരന് നന്ദിയും പറഞ്ഞു.
Related News
