ജുബൈല്: ദഅവ സെന്ററിനു കീഴില് ജനുവരി 30-ാം തീയതി നടക്കാനിരിക്കുന്ന ഫാമിലി കോണ്ഫറന്സിന്റെ ഭാഗമായി ജുബൈലിലെ ടീനേജ് വിദ്യാര്ത്ഥി വിദ്യാര്ത്ഥിനികള്ക്ക് വേണ്ടി ടീന്സ് മീറ്റ് സംഘടിപ്പിച്ചു. പ്രസ്തുത പ്രോഗ്രാമില് നൂറുദ്ധീന് സ്വലാഹി; ടീനേജ് പ്രായക്കാരായ വിദ്യാര്ത്ഥികള് ശ്രദ്ധിക്കേണ്ട സാമൂഹികവും സാംസ്കാരികവും മതപരവുമായ കാര്യങ്ങളെക്കുറിച്ചും, അവര് നേരിടുന്ന പ്രശ്നങ്ങളും അവക്കുള്ള പരിഹാരങ്ങളും വ്യക്തമാക്കുന്ന പഠനാര്ഹമായ നിര്ദ്ദേശങ്ങള് നല്കി.
കലാലയങ്ങളില് ലഹരിയുടെ കടന്നുകയറ്റത്തെ കുറിച്ചും അതു മൂലണ്ടാകുന്ന ഭവിഷത്തുകളെ കുറിച്ചും, സോഷ്യല് മീഡിയകള് ഉപയോഗിക്കുമ്പോള് ശ്രദ്ധിക്കേണ്ട കാര്യങ്ങളെ കുറിച്ചും, ലിബറലിസത്തിന്റെ അപകടത്തെക്കുറിച്ചും, മാതാപിതാക്കളോടുള്ള പെരുമാറ്റ മര്യാദകളെ കുറിച്ചും എല്ലാം ബോധ്യപ്പെടുത്തുകയുണ്ടായി.
ഇസ്ലാഹി സെന്റര് സ്റ്റുഡന്സ് വിങ്ങ് സെക്രട്ടറി നുസൈര് തിരുവനന്തപുരം സ്വാഗതവും ഹാമി കൊടുങ്ങല്ലൂര് നന്ദി പറയുകയും ചെയ്തു.
Related News
