.jpg)
ദമാം : 25 വര്ഷത്തോളം ദമാമില് പ്രവാസിയായിരുന്ന കോഴിക്കോട് കുണ്ട്പറമ്പ് പറമ്പത്ത് ഉണ്ണികുമാര് (ഉണ്ണി കോഴിക്കോട്-71) ചികിത്സയിലിരിക്കെ നാട്ടില് മരണപ്പെട്ടു. ദമാമിലെ ആദ്യകാല ഫുട്ബോള് ക്ലബായിരുന്നു ചാലഞ്ചേഴ്സിന്റെ കളിക്കാരനായിരുന്ന ഉണ്ണി കോഴിക്കോട് വെറ്ററന്സ് ടീമിന് വേണ്ടിയും ജേഴ്സിയണിഞ്ഞിട്ടുണ്ട്. നെസ്മ കമ്പനിയില് അഡ്മിനിസ്ട്രേഷന് സെക്രട്ടറിയായി സേവനമവസാനിപ്പിച്ചാണ് നാട്ടിലേക്ക് പോയത്.
ഭാര്യമാര് പരേതയായ സീന, വിജയലക്ഷിമി, മക്കള് : ശാലിനി, സിദാര്ഥ്. പരേതരായ നാരായണന് നായര് - സത്യഭാമ ദമ്പതികളുടെ മകനാണ്. ജയക്യഷ്ണന്, സുരേഷ് കുമാര് ബാബു, ജയരാജ്, വനജാക്ഷി, രതി, രാതി എന്നിവര് സഹോദരങ്ങളാണ്. കോഴിക്കോട് വെസ്റ്റ്ഹില് പൊതുസ്മശാനത്തില് മൃതദേഹം സംസ്ക്കരിച്ചു.
ദമാം ഇന്ത്യന് ഫുട്ബോള് അസോസിയേഷന് (ഡിഫ) ഉണ്ണി കോഴിക്കോടിന്റെ നിര്യാണത്തില് അനുശോചിച്ചു. ഡിഫ രക്ഷാധികാരി റഫീഖ് കൂട്ടിലങ്ങാടി, മുന് സാരഥികളായ റസാഖ് ചേരിക്കല്, സി. അബ്ദുല് റസാഖ്, അബ്ദുല് ജബ്ബാര് കോഴിക്കോട് തുടങ്ങിയവര് അന്ത്യോപചാരമര്പ്പിച്ചു.
പടം : ഉണ്ണി കോഴിക്കോട്
Related News
