ജിദ്ദ: ജിസാന്‍ മേഖലയിലെ ഇന്ത്യക്കാര്‍ക്ക് വിവിധ അറ്റസ്റ്റേഷന്‍ സേവനങ്ങള്‍ ലഭ്യമാക്കുന്നതിനായി ജിദ്ദ ഇന്ത്യന്‍ കോണ്‍സുലേറ്റിന്റെ കോണ്‍സുലാര്‍ 2026 ജനുവരി 2 ന് ജിസാന്‍ സന്ദര്‍ശിക്കുമെന്ന് കോണ്‍സുലേറ്റ് അധികൃതര്‍ അറിയിച്ചു. കോണ്‍സുലേറ്റ്, വി.എഫ്.എസ് ഉദ്യോഗസ്ഥര്‍ പങ്കെടുക്കുന്ന സന്ദര്‍ശന പരിപാടി ജിസാന്‍ പ്രിന്‍സ് മുഹമ്മദ് നാസര്‍ സ്ട്രീറ്റിലെ ജിസാന്‍ ചേമ്പര്‍ ഓഫ് കൊമേഴ്സ് ബില്‍ഡിംഗില്‍ പ്രവര്‍ത്തിക്കുന്ന വി.എഫ്.എസ് പാസ്‌പോര്‍ട്ട് സേവനകേന്ദ്രത്തിലാണ് ഒരുക്കിയിരിക്കുന്നത്.

രേഖകളും സര്‍ട്ടിഫിക്കറ്റുകളും സാക്ഷ്യപ്പെടുത്തുന്നതിനും അറ്റസ്റ്റേഷന്‍ ആവശ്യമുള്ള വിവിധ പാസ്പോര്‍ട്ട് സേവനങ്ങള്‍ക്കുമുള്ള അപേക്ഷകള്‍ ജനുവരി 2 വെള്ളിയാഴ്ച രാവിലെ 8 മുതല്‍ സ്വീകരിക്കും. വിവിധ സേവനങ്ങള്‍ക്കായി അപേക്ഷകര്‍ https://services.vfsglobal.com/sau/en/ind/book-an-appointment എന്ന ലിങ്കില്‍ മുന്‍കൂട്ടി അപ്പോയ്മെന്റ് എടുക്കണം. മുന്‍കൂട്ടി ബുക്ക് ചെയ്യാത്തവര്‍ക്ക് സേവനം ലഭ്യമായിരിക്കില്ലെന്നും കോണ്‍സുലേറ്റ് വ്യക്തമാക്കി. വിവിധ അറ്റസ്റ്റേഷന്‍ സേവനങ്ങള്‍ ആവശ്യമുള്ള ജിസാന്‍ മേഖലയിലെ ഇന്ത്യക്കാര്‍ ഈ അവസരം പരമാവധി ഉപയോഗിക്കണമെന്ന് കോണ്‍സുലേറ്റ് അധികൃതര്‍ അറിയിച്ചു.