ജുബൈല്: നൂറ്റി അറുപത്തിയേഴ് രാജ്യങ്ങളിലായി വ്യാപിച്ചു കിടക്കുന്ന വിയന്ന ആസ്ഥാനമായി പ്രവര്ത്തിക്കുന്ന ആഗോള മലയാളി കൂട്ടായ്മയായ വേള്ഡ് മലയാളി ഫെഡറേഷന്റെ (ഡബ്ല്യു.എം.എഫ്) സൗദിയിലെ അഞ്ചാമത്തെ കൗണ്സിലായി ജുബൈലില് കമ്മറ്റി രൂപീകരിച്ചു. കഴിഞ്ഞ ദിവസം ജുബൈലിലെ ലെറ്റ്സ് ഈറ്റ് റെസ്റ്റോറന്റില് വെച്ച് ചേര്ന്ന യോഗത്തില് മുപ്പതോളം പേര് പങ്കെടുത്തു. മീറ്റിംഗില് വെച്ച് കൗണ്സില് അഡ്ഹോക് കമ്മറ്റിയെ തിരഞ്ഞെടുത്തു.
ടീനയുടെ പ്രാര്ത്ഥന ഗാനത്തോടെ ആരംഭിച്ച യോഗത്തില് ഡബ്ല്യു.എം.എഫ് മിഡിലീസ്റ്റ് റീജിയണല് പ്രസിഡന്റ് വര്ഗീസ് പെരുമ്പാവൂര് വേള്ഡ് മലയാളി ഫെഡറേഷന് പ്രവര്ത്തനങ്ങളെ കുറിച്ച് സദസിന് പരിചയപെടുത്തി. ദമാം പ്രസിഡന്റ് നവാസ് ചൂനാടന് ദീപം കൊളുത്തി ജുബൈല് കൗണ്സില് രൂപീകരണത്തിന്റെ ഉദ്ഘാടനം നിര്വ്വഹിച്ചു. സൗദി നാഷണല് പ്രസിഡന്റ് ഷബീര് ആക്കോട് മെമ്പര്ഷിപ്പ് ഫോം വിതരണം നിര്വ്വഹിച്ചു.
അഡ്ഹോക് കമ്മറ്റി പ്രസിഡന്റായി സോണിയ ഹാരിസണ് മോറിസിസിനേയും ജനറല് സെക്രട്ടറിയായി അനില് മാളൂരിനേയും ട്രഷറര് ആയി വിവേകിനേയും വൈസ് പ്രസിഡന്റായി പ്രശാന്തിനെയും തിരഞ്ഞെടുത്തു.
ദമാം സെക്രട്ടറി ജയരാജ് കൊയിലാണ്ടി, വൈസ് പ്രസിഡന്റ് ചന്ദന് ഷേണായി, ശിഹാബ് മങ്ങാടന്, വിവേക് തുടങ്ങിയവര് ആശംസകള് നേര്ന്ന് സംസാരിച്ചു.
ഹാരിസണ് മോറിസ്, മറിയം ആന്റണി, ടീന അലക്സ് എന്നിവര് പരിപാടിക്ക് നേതൃത്വം നല്കി. അനില് ജി. നായര് സ്വാഗതവും സോണിയ ഹാരിസണ് നന്ദിയും പറഞ്ഞു.
Related News
