ജിദ്ദ: പ്രവാസി മലയാളി കൂട്ടായ്മയായ തിരുവനന്തപുരം സ്വദേശി സംഗമം (TSS) ജിദ്ദയില് സ്പോര്ട്സ് മീറ്റും ക്രിസ്മസ് പുതുവത്സര ആഘോഷങ്ങളും സംഘടിപ്പിച്ചു. ഡിസംബര് 26-ന് ഹറാസാത്തിലെ അല് ജസീറ വില്ലയില് നടന്ന പരിപാടിയില് ജനറല് ബോഡി അംഗങ്ങളും കുടുംബാംഗങ്ങളും സജീവമായി പങ്കെടുത്തു.
സ്പോര്ട്സ് മീറ്റ് കണ്വീനര് മന്സൂര് അബ്ദുല് കലാം സ്വാഗതം ആശംസിച്ചു. ടി.എസ്.എസ് പ്രസിഡന്റ് തരുണ് രത്നാകരന് കായിക മേളയുടെ ഫ്ലാഗ് ഓഫ് നിര്വഹിച്ചു. ജനറല് സെക്രട്ടറി ജാഫര് ഷരീഫ് ചടങ്ങില് ആശംസകള് നേര്ന്നു.
കായിക മത്സരങ്ങള്ക്കൊപ്പം തന്നെ ആഘോഷങ്ങള്ക്ക് മാറ്റുകൂട്ടി അംഗങ്ങള് അവതരിപ്പിച്ച വൈവിധ്യമാര്ന്ന കലാപരിപാടികളും അരങ്ങേറി. ക്രിസ്മസ് കരോള്, കുട്ടികളും മുതിര്ന്നവരും പങ്കെടുത്ത നൃത്ത-സംഗീത വിരുന്നും പരിപാടിയെ വര്ണ്ണാഭമാക്കി. വിവിധ കായിക ഇനങ്ങളില് നടന്ന വാശിയേറിയ മത്സരങ്ങളില് 'തണ്ടര് ഹോക്സ്' ടീം ചാമ്പ്യന്മാരായി. 'ഫയര് ബ്ലേസേഴ്സ്' ടീം റണ്ണര് അപ്പ് ട്രോഫി കരസ്ഥമാക്കി. വ്യക്തിഗത മികവിനുള്ള പുരസ്കാരങ്ങള് ബെസ്റ്റ് പ്ലെയര് (പുരുഷ വിഭാഗം): റിഹാന് മന്സൂര്, ബെസ്റ്റ് പ്ലെയര് (സ്ത്രീ വിഭാഗം) ഷാലത് ബിജു, മഞ്ജുഷ ജിനു എന്നിവര് നേടി.
ട്രഷറര് ഷാഹിന് ഷാജഹാന് നന്ദി പറഞ്ഞു. ടി.എസ്.എസ് എക്സിക്യൂട്ടീവ് അംഗങ്ങള് പരിപാടികള്ക്ക് നേതൃത്വം നല്കി.
Related News
