റിയാദ്: മലപ്പുറം നിലമ്പൂര് പാതാര് സ്വദേശിനി പൊന്കുഴി റംലത്ത് (57) ഹൃദയാഘാതം മൂലം റിയാദില് നിര്യാതയായി. ചൊവ്വാഴ്ച വൈകുന്നേരം റിയാദിലെ ആസ്റ്റര് സനദ് ആശുപത്രിയിലായിരുന്നു മരണം. 10 വര്ഷത്തിലേറെയായി റിയാദില് ഹൗസ്കീപ്പറായി ജോലി ചെയ്യുകയായിരുന്നു.
പരേതരായ അസൈനാരുടെയും ഇത്താച്ചുമ്മയുടെയും മകളായ റംലത്ത് അവിവിവാഹിതയാണ്. ഹഫ്സത്ത്, സക്കീന, ഫാത്തിമ, മറിയുമ്മ എന്നിവര് സഹോദരിമാരാണ്. സൗദി തൊഴിലുടമയുടെ അഭ്യര്ഥനയുടെ അടിസ്ഥാനത്തില് മൃതദേഹം റിയാദില് ഖബറടക്കുന്നതിന് വേണ്ടിയുള്ള നിയമനടപടികള് പൂര്ത്തിയാക്കാന് റിയാദ് കെ.എം.സി.സി വെല്ഫെയര് വിങ് ചെയര്മാന് റഫീഖ് പുല്ലൂരിന്റെ നേതൃത്വത്തില് പ്രവര്ത്തനം പുരോഗമിക്കുന്നു.
Related News
