ഖമീസ് മുശൈത്ത്: രിസാല സ്റ്റഡി സര്‍ക്കിള്‍ (RSC) കലാലയം സാംസ്‌കാരിക വേദിക്ക് കീഴില്‍ പതിനഞ്ചാമത് പ്രവാസി സാഹിത്യോത്സവ് സംഘടിപ്പിച്ചു. വിവിധ സെക്ടറുകളില്‍ നിന്നായി നിരവധി മത്സരാര്‍ത്ഥികള്‍ പങ്കെടുത്ത സാഹിത്യോത്സവ് പ്രവാസലോകത്തെ സര്‍ഗ്ഗപ്രതിഭകളുടെ സംഗമവേദിയായി. മഹ്‌മൂദ് സഖാഫി മാവൂര്‍ ഉദ്ഘാടനം നിര്‍വഹിച്ചു. സൗദി വെസ്റ്റ് എക്‌സിക്യൂട്ടീവ് അംഗം മുഹമ്മദ് ഷാ, മൊയ്തീന്‍ മാവൂര്‍, ഉസ്മാന്‍ സഖാഫി, റഹ്‌മത്തുള്ള പട്ടിക്കാട് തുടങ്ങിയവര്‍ ചടങ്ങില്‍ സംബന്ധിച്ചു.

'വേരിറങ്ങിയ വിത്തുകള്‍' എന്ന പ്രമേയത്തില്‍ സാംസ്‌കാരിക സമ്മേളനം സംഘടിപ്പിച്ചു. ഡോ:നൂഹ് അബ്ദുള്ള ഖാന്‍ (പ്രൊഫസര്‍ കിംഗ് ഖാലിദ് യൂണിവേഴ്‌സിറ്റി) ഉദ്ഘാടനം ചെയ്തു. നിയാസ് കാക്കൂര്‍ (ഗ്ലോബല്‍ എക്‌സിക്യൂട്ടീവ് മെമ്പര്‍) സന്ദേശ പ്രഭാഷണം നടത്തി. സിദ്ദീഖ് വാദിയാന്‍ (KMCC), ഇബ്രാഹീം മരക്കാര്‍ തൊടി (ASEER PRAVASI), അബ്ദുറസാഖ് ബന്നൂര്‍ (KCF), അബ്ദുല്‍ സലാം കുറ്റ്യാടി (ICF), മനാഫ് പരപ്പില്‍ (OICC), ജലീല്‍ കാവന്നൂര്‍ (MD ഷിഫാ അല്‍ കമീസ് ഹോസ്പിറ്റല്‍), മെഹ്സും അറക്കല്‍ (പ്രിന്‍സിപ്പല്‍ അല്‍ ജനുബ് ഇന്റര്‍നാഷണല്‍ സ്‌കൂള്‍), ഡോ. സിജു ഭാസ്‌കര്‍ (പ്രിന്‍സിപ്പല്‍ ലെന ഇന്റര്‍നാഷണല്‍ സ്‌കൂള്‍), റഫീഖ് മേല്‍മുറി (നാഷണല്‍ മീഡിയ സെക്രട്ടറി), അഷ്റഫ് കൊടുവള്ളി, ഡോ. അഷ്ഹര്‍ (ബാഹിജ് ഹോസ്പിറ്റല്‍) എന്നിവര്‍ സംസാരിച്ചു. മൊയ്തീന്‍ മാവൂര്‍ സ്വാഗതവും യൂസുഫ് ആലത്തിയൂര്‍ നന്ദിയും രേഖപ്പെടുത്തി.

ഫോട്ടോ: അസീര്‍ കലാലയം സാംസ്‌കാരിക വേദി സാഹിത്യോത്സവത്തോടനുബന്ധിച്ച് നടന്ന സാംസ്‌കാരിക സംഗമം ഡോ. നൂഹ് അബ്ദുള്ള ഖാന്‍ (പ്രൊഫസര്‍ കിംഗ് യൂണിവേഴ്‌സിറ്റി) ഉദ്ഘാടനം ചെയ്യുന്നു.