സൂര്(ഒമാന്): ഇന്ലൈന് റോളര് സ്കേറ്റ്സ് ധരിച്ച്, കെട്ടിവച്ച മുടിയില് ഹൂള ഹൂപ്പും കറക്കി ആറു കിലോമീറ്റര് ദൂരം 28 മിനിറ്റ് 2 സെക്കന്ഡ് കൊണ്ട് പൂര്ത്തിയാക്കി ശിവന്യ പ്രശാന്ത് ഗിന്നസ് ബുക്കില് ഇടം നേടി. മസ്കറ്റിലെ ഇന്ത്യന് എംബസിയില് ഒമാനിലെ ഇന്ത്യന് സ്ഥാനപതി ജി.വി.ശ്രീനിവാസ്, ഗിന്നസ് വേള്ഡ് റെക്കോര്ഡ് സര്ട്ടിഫിക്കറ്റ് ശിവന്യയ്ക്ക് കൈമാറി.
ഒമാനിലെ ദക്ഷിണ ശര്ഖിയ ഗവര്ണറേറ്റിലെ സൂറില് ആണ് ഗിന്നസ് റെക്കോര്ഡിനുള്ള ഔദ്യോഗിക നിബന്ധനകള് പാലിച്ച് ശിവന്യയുടെ പ്രകടനം അരങ്ങേറിയത്. സൂര് ഇന്ത്യന് സ്കൂള് ഏഴാം ക്ലാസ് വിദ്യാര്ഥിനിയാണ് ശിവന്യ. ഏഷ്യ ബുക്ക് ഓഫ് റെക്കോര്ഡും ഇന്ത്യ ബുക്ക് ഓഫ് റെക്കോര്ഡും നേടിയ ശിവന്യ പഠനത്തിലും മറ്റു കലാകായിക മത്സരങ്ങളിലും ഒട്ടേറെ സമ്മാനങ്ങള് നേടിയിട്ടുണ്ട്.
ഒമാനിലെ ഭവാന് എന്ജിനീയറിങ് കമ്പനിയില് ജോലി ചെയ്യുന്ന കണ്ണൂര് സ്വദേശി പ്രശാന്തിന്റെയും സുസ്മിതയുടെയും മകളാണ്. സഹോദരന് ശിവാങ്ക് പ്രശാന്ത് കൊല്ക്കത്ത എന്ഐടിയില് മൂന്നാം വര്ഷ വിദ്യാര്ഥിയാണ്.
Related News
