മക്ക: മസാജ് സെന്ററിന്റെ മറവില് അനാശാസ്യ പ്രവര്ത്തനം നടത്തിയതിന് അഞ്ച് പ്രവാസികള് മക്കയില് അറസ്റ്റില്. മക്കയിലെ ഒരു മസാജ് പാര്ലര് കേന്ദ്രീകരിച്ച് സദാചാര വിരുദ്ധമായ കാര്യങ്ങള് നടക്കുന്നുണ്ടെന്ന രഹസ്യവിവരത്തെത്തുടര്ന്ന് മക്ക പൊലീസ് നടത്തിയ പരിശോധനയിലാണ് അഞ്ചുപേരും കുടുങ്ങിയത്.
സദാചാര വിരുദ്ധ പ്രവര്ത്തനങ്ങളാണ് മസാജ് പാര്ലറില് നടക്കുന്നതെന്ന് കണ്ടെത്തി. അറസ്റ്റിലായവരെ ആവശ്യമായ നിയമനടപടികള് പൂര്ത്തിയാക്കിയ ശേഷം പബ്ലിക് പ്രോസിക്യൂഷന് കൈമാറി. കമ്യൂണിറ്റി സെക്യൂരിറ്റി ആന്ഡ് കോംബാറ്റിങ് ഹ്യൂമന് ട്രാഫിക്കിങ് വിഭാഗവുമായി സഹകരിച്ചാണ് പൊലീസ് നടപടി. മുന്സിപ്പല് ചട്ടങ്ങള് ലംഘിച്ചാണ് പാര്ലര് പ്രവര്ത്തിച്ചുവന്നതെന്നും കണ്ടെത്തിയിട്ടുണ്ട്. അതിലും കര്ശന ശിക്ഷാനടപടികള് സ്വീകരിച്ചിട്ടുണ്ട്.
Related News
