ദമ്മാം: പ്രവാസി വെല്‍ഫെയര്‍ ദമ്മാം റീജിയണല്‍ കമ്മറ്റി വെല്‍ഫെയര്‍ വിഭാഗത്തിന്റെ ആഭിമുഖ്യത്തില്‍ രക്തദാന ക്യാമ്പ് സംഘടിപ്പിച്ചു. ദമ്മാം കിംഗ് ഫഹദ് സ്‌പെഷ്യലിസ്റ്റ് ആശുപത്രിയില്‍ ഉച്ചയ്ക്ക് 12.30 മുതല്‍ വൈകുന്നേരം 4 മണി വരെ നടന്ന ക്യാമ്പില്‍ മലയാളികള്‍ക്ക് പുറമെ ഇതര സംസ്ഥാനത്തു നിന്നുള്ളവരും സ്ത്രീകളുമടക്കം നൂറ്റി അമ്പതോളം പേര്‍ രക്തം നല്‍കാന്‍ എത്തി. കഴിഞ്ഞ 11 വര്‍ഷമായി തുടര്‍ച്ചയായുള്ള രക്തദാന-മെഡിക്കല്‍ സേവനത്തിനുള്ള അംഗീകാരം 2025 കിംങ്ങ് ഫഹദ് ആശുപത്രിയില്‍ നിന്നും പ്രവാസിക്ക് ലഭിച്ചിരുന്നു.

ആശുപത്രി അധികൃതര്‍ അടിയന്തര ആവശ്യം അറിയിച്ചതിനെ തുടര്‍ന്നാണ് ക്യാമ്പ് ഒരുക്കിയത്. കിംഗ് ഫഹദ് ആശുപത്രി മെഡിക്കല്‍ വിഭാഗത്തിലെ അഹ്‌മദ് സാലിഹ് മന്‍സൂര്‍, ഡോ. ഉസാമ അല്‍ഗാംദി, പ്രവാസി റീജീയണല്‍ പ്രസിഡന്റ് ജംഷാദലി കണ്ണൂര്‍, ബ്ലഡ് ഡോണര്‍ കണ്‍വീനര്‍ സലീം കണ്ണൂര്‍, വെല്‍വെയര്‍ വിഭാഗം കണ്‍വീനര്‍, റീജീയണല്‍-ജില്ലാ ഭാരവാഹികളായ, ആഷിഫ് കൊല്ലം, ജമാല്‍ പയ്യന്നൂര്‍, തന്‍സീം കണ്ണൂര്‍, ഷമീം പാപ്പിനിശ്ശേരി, സജ്ജാദ് പാപ്പിനിശ്ശേരി, ഉബൈദ് മണ്ണാട്ടില്‍, റഹീം തിരൂര്‍ക്കാട് എന്നിവര്‍ നേതൃത്വം നല്‍കി.