ദുബായ്: ലോകത്തെ ഏറ്റവും സുരക്ഷിതമായ വിമാനക്കമ്പനികളുടെ പട്ടികയില് അബൂദബി ആസ്ഥാനമായ ഇത്തിഹാദ് എയര്വേയ്സ് ഒന്നാം സ്ഥാനത്തെത്തി. 320 അന്താരാഷ്ട്ര വിമാനക്കമ്പനികളെ വിലയിരുത്തിക്കൊണ്ട് 'എയര്ലൈന് റേറ്റിങ്സ്' പുറത്തുവിട്ട 2026-ലെ റിപ്പോര്ട്ടിലാണ് ഈ നേട്ടം. ചരിത്രത്തിലാദ്യമായാണ് ഒരു ഗള്ഫ് എയര്ലൈന് ഈ പട്ടികയില് ഒന്നാമതെത്തുന്നത്.
ദുബായ്യുടെ എമിറേറ്റ്സ് എയര്ലൈന് അഞ്ചാം സ്ഥാനവും, ബജറ്റ് എയര്ലൈനുകളുടെ വിഭാഗത്തില് ഫ്ലൈ ദുബായ് നാലാം സ്ഥാനവും കരസ്ഥമാക്കി. അപകടങ്ങളുടെ കുറഞ്ഞ നിരക്ക്, പുതിയ വിമാനങ്ങള്, മികച്ച ടര്ബുലന്സ് മാനേജ്മെന്റ് എന്നിവയാണ് ഇത്തിഹാദിനെ മുന്നിലെത്തിച്ചത്. കാത്തേ പസഫിക്, ക്വാണ്ടാസ്, ഖത്തര് എയര്വേസ്, സിംഗപ്പൂര് എയര്ലൈന്സ്, വിര്ജിന് അറ്റ്ലാന്റിക്, എ.എന്.എ, ബ്രിട്ടീഷ് എയര്വേയ്സ് എന്നിവയുള്പ്പെടെ പ്രധാന ആഗോള വിമാനക്കമ്പനികളെ പിന്തള്ളിയാണ് യു.എ.ഇ വിമാനക്കമ്പനികളുടെ ഈ കുതിപ്പ്.
Related News
