അബുദാബി- അത്യാധുനിക സൗകര്യങ്ങളോടെയുള്ള അള്ട്രാ-ഫാസ്റ്റ് ഇലക്ട്രിക് വാഹന ചാര്ജിംഗ് ഹബ്ബ് അബുദാബിയില് പ്രവര്ത്തനം ആരംഭിച്ചു. ലോകത്തിലെ ഇത്തരത്തിലുള്ള ആറാമത്തെ വലിയ കേന്ദ്രമാണിതെന്ന് അധികൃതര് അറിയിച്ചു. അബുദാബിക്കും ദുബായിക്കും ഇടയിലുള്ള തന്ത്രപ്രധാനമായ സ്ഥലത്താണ് അഡ്നോക് ഡിസ്ട്രിബ്യൂഷന് ഈ സ്റ്റേഷന് സജ്ജീകരിച്ചിരിക്കുന്നത്.
പരിസ്ഥിതി സൗഹൃദ ഗതാഗത സംവിധാനങ്ങളെ പ്രോത്സാഹിപ്പിക്കുന്നതിന്റെ ഭാഗമായാണ് ഈ നടപടി. ഒരേസമയം നിരവധി വാഹനങ്ങള്ക്ക് അതിവേഗത്തില് ചാര്ജ് ചെയ്യാനുള്ള സൗകര്യം ഇവിടെയുണ്ട്. ഇത് യുഎഇയിലെ ഇലക്ട്രിക് വാഹന ഉടമകള്ക്ക് വലിയ ആശ്വാസമാകുമെന്നാണ് കരുതപ്പെടുന്നത്.
2050-ഓടെ കാര്ബണ് പുറന്തള്ളല് പൂജ്യത്തിലെത്തിക്കുക എന്ന ലക്ഷ്യത്തിലേക്കുള്ള യുഎഇയുടെ യാത്രയിലെ പ്രധാന ചുവടുവെപ്പാണിത്. വരും വര്ഷങ്ങളില് കൂടുതല് ചാര്ജിംഗ് സ്റ്റേഷനുകള് രാജ്യത്തുടനീളം സ്ഥാപിക്കാന് പദ്ധതിയുണ്ടെന്നും റിപ്പോര്ട്ടുകള് സൂചിപ്പിക്കുന്നു.
Related News
