ദുബായ്- ഇറാനുമായി ബിസിനസ്സ് നടത്തുന്ന രാജ്യങ്ങള്‍ക്ക് യുഎസ് ഏര്‍പ്പെടുത്തിയ 25 ശതമാനം നികുതി യുഎഇയുടെ വ്യാപാര മേഖലയില്‍ ആഘാതമുണ്ടാക്കുമെന്ന് റിപ്പോര്‍ട്ട്. യുഎസ് പ്രസിഡന്റ് ഡൊണാള്‍ഡ് ട്രംപിന്റെ ഭരണകൂടം കൊണ്ടുവന്ന ഈ നീക്കം ചരക്ക് നീക്കത്തെയും ഭക്ഷ്യ വിതരണത്തെയും ബാധിക്കുമെന്ന് യുഎഇ വ്യക്തമാക്കി.

ഇറാനുമായി ദീര്‍ഘകാല വ്യാപാര ബന്ധമുള്ള യുഎഇക്ക് ഈ പുതിയ സാമ്പത്തിക നിയന്ത്രണങ്ങള്‍ വെല്ലുവിളിയാകും. പ്രത്യേകിച്ച് ഭക്ഷ്യവസ്തുക്കളുടെ ഇറക്കുമതിയിലും വിതരണത്തിലും വിലക്കയറ്റത്തിന് ഇത് കാരണമായേക്കാമെന്ന് സാമ്പത്തിക വിദഗ്ധര്‍ വിലയിരുത്തുന്നു.

മേഖലയിലെ രാഷ്ട്രീയ-സാമ്പത്തിക സാഹചര്യങ്ങള്‍ യുഎഇ സൂക്ഷ്മമായി നിരീക്ഷിച്ചു വരികയാണ്. നയതന്ത്ര തലത്തില്‍ ചര്‍ച്ചകള്‍ നടത്തി ഈ പ്രതിസന്ധി പരിഹരിക്കാനാണ് രാജ്യം ശ്രമിക്കുന്നത്. യുഎസ് തീരുമാനത്തിന്മേലുള്ള തുടര്‍ നടപടികള്‍ വരും ദിവസങ്ങളില്‍ നിര്‍ണ്ണായകമാകും.