അബുദാബി- യുഎഇ ഫെഡറല് ടാക്സ് അതോറിറ്റി നികുതി സര്ട്ടിഫിക്കറ്റുകള് നല്കുന്ന രീതിയില് മാറ്റം വരുത്തി. ജനുവരി 1 മുതല് പേപ്പര് സര്ട്ടിഫിക്കറ്റുകള് നിര്ത്തലാക്കി പകരം സൗജന്യമായി ഡിജിറ്റല് സര്ട്ടിഫിക്കറ്റുകള് നല്കിത്തുടങ്ങി. ബിസിനസ്സ് സ്ഥാപനങ്ങള്ക്ക് ഈ സേവനം എളുപ്പത്തില് ലഭ്യമാകും.
ഡിജിറ്റല് സേവനങ്ങള് പ്രോത്സാഹിപ്പിക്കുന്നതിന്റെ ഭാഗമായി പേപ്പര് സര്ട്ടിഫിക്കറ്റുകള്ക്ക് ഈടാക്കിയിരുന്ന ഫീസും ഒഴിവാക്കിയിട്ടുണ്ട്. പകരം ലഭിക്കുന്ന ഇലക്ട്രോണിക് സര്ട്ടിഫിക്കറ്റുകളില് ഇന്സ്റ്റന്റ് വെരിഫിക്കേഷനായി ക്യുആര് കോഡ് സൗകര്യവും ഏര്പ്പെടുത്തിയിട്ടുണ്ട്.
അതേസമയം, കോര്പ്പറേറ്റ് നികുതിയുമായി ബന്ധപ്പെട്ട അഡ്വാന്സ് പ്രൈസിംഗ് എഗ്രിമെന്റുകള്ക്ക് പുതിയ ഫീസുകള് ഏര്പ്പെടുത്തിയിട്ടുണ്ട്. നികുതി വ്യവസ്ഥ കൂടുതല് സുതാര്യമാക്കാനും ബിസിനസ് നടപടികള് വേഗത്തിലാക്കാനുമാണ് ഈ പരിഷ്കാരങ്ങള് ലക്ഷ്യമിടുന്നത്.
Related News
