റിയാദ്: തലസ്ഥാന നഗരിയിലെ പ്രമുഖ സംഗീത കൂട്ടായ്മയായ റിയാദ് ഇന്ത്യന് മ്യൂസിക് ലവേഴ്സ് അസോസിയേഷന് (റിംല) എട്ടാം വാര്ഷികാഘോഷങ്ങളിലേക്ക്. ഏപ്രില് 10-ന് നടക്കുന്ന വിപുലമായ ആഘോഷപരിപാടികളുടെ പോസ്റ്റര് പ്രകാശനം ഷോല അല് വഫ ഓഡിറ്റോറിയത്തില് വെച്ച് വര്ണ്ണാഭമായ ചടങ്ങുകളോടെ നടന്നു.
പ്രശസ്ത പിന്നണി ഗായകരായ നജീം അര്ഷാദും അനുശ്രീയും മുഖ്യാതിഥികളായി എത്തുന്നതാണ് ഇത്തവണത്തെ പ്രധാന ആകര്ഷണം. നാട്ടില് നിന്നുള്ള പ്രൊഫഷണല് മ്യൂസിക് ബാന്ഡും റിംലയുടെ സ്വന്തം ഓര്ക്കസ്ട്ര ടീമും അണിനിരക്കുന്ന 'ലൈവ് മ്യൂസിക് ഷോ' റിയാദിലെ സംഗീത ആസ്വാദകര്ക്ക് പുത്തന് അനുഭവമാകുമെന്ന് ഷോ ഡയറക്ടര് സുരേഷ് ശങ്കര് അറിയിച്ചു. ഉണ്ണിമേനോന്, മധു ബാലകൃഷ്ണന് തുടങ്ങിയ പ്രതിഭകള് പങ്കെടുത്ത മുന്വര്ഷങ്ങളിലെ പരിപാടികള് പോലെ ഇത്തവണയും മികച്ച നിലവാരം ഉറപ്പാക്കുമെന്ന് പ്രസിഡന്റ് ബാബുരാജ് പറഞ്ഞു.
പരിപാടിയുടെ മുഖ്യ പ്രായോജകരായ ടി.എസ്.ടി മെറ്റല്സ് ഡയറക്ടര്മാരായ മധു പട്ടന്നൂരും റൈഷ മധുവും ചേര്ന്ന് പോസ്റ്റര് പ്രകാശനം നിര്വ്വഹിച്ചു. റിംല പ്രസിഡന്റ് ബാബുരാജ് അധ്യക്ഷത വഹിച്ച ചടങ്ങില് ജനറല് സെക്രട്ടറി അന്സാര് ഷാ സ്വാഗതവും ജോയിന്റ് സെക്രട്ടറി ശ്യാം സുന്ദര് നന്ദിയും രേഖപ്പെടുത്തി.
പോസ്റ്റര് പ്രകാശനത്തോടനുബന്ധിച്ച് നടന്ന കലാപരിപാടികള് കാണികളുടെ ശ്രദ്ധ പിടിച്ചുപറ്റി. റിംലയുടെ പ്രമുഖ ഗായകരായ ശ്യാം സുന്ദര്, അന്സാര് ഷാ, വിനോദ് വെണ്മണി തുടങ്ങിയവര് നയിച്ച ഗാനസന്ധ്യയും ലീന ബാബുരാജ്, റജീന ബിനു എന്നിവരുടെ നേതൃത്വത്തില് അവതരിപ്പിച്ച ഫ്യൂഷന് തിരുവാതിരയും ഏറെ പ്രശംസ പിടിച്ചുപറ്റഇ. അദ്വിക മഹേഷിന്റെ സിനിമാറ്റിക് ഡാന്സും, വിധു ഗോപകുമാര്, ദേവിക ബാബുരാജ് എന്നിവരുടെ സെമി ക്ലാസിക്കല് നൃത്തവും മികച്ചു നിന്നു. സന്തോഷ് തോമസ്, തോമസ് പൈലന് തുടങ്ങിയവര് ചേര്ന്നവതരിപ്പിച്ച മ്യൂസിക്കല് ഫ്യൂഷന് വേറിട്ട അനുഭവമായി.
സാമൂഹിക സാംസ്കാരിക രംഗത്തെ പ്രമുഖരായ ഷിഹാബ് കൊട്ടുക്കാട്, സലീം കളക്കര, റഹ്മാന് മുനമ്പത്ത് തുടങ്ങിയവര് ചടങ്ങില് ആശംസകള് നേര്ന്നു. റിംലയുടെ എക്സിക്യൂട്ടീവ് കമ്മിറ്റി അംഗങ്ങളായ രാജന് മാത്തൂര്, ശരത് ജോഷി തുടങ്ങിയവരുടെ നേതൃത്വത്തില് വന് തയ്യാറെടുപ്പുകളാണ് ഏപ്രില് 10-ലെ പരിപാടിക്കായി നടക്കുന്നത്. ഹരിത അശ്വിനും അക്ഷിക മഹേഷുമായിരുന്നു അവതാരകര്.
Related News
