ദുബായ്: അല് തയ്യിബ് ഇന്റര്നാഷണലില് (ലുലു ഗ്രൂപ്പ്) ലോജിസ്റ്റിക്സ് മാനേജര് കോട്ടയം രാമപുരം ചിറക്കണ്ടം സ്വദേശി ജോജോ ജേക്കബ് (53) ദുബായില് നിര്യാതനായി. കഴിഞ്ഞ ദിവസം രാവിലെ മുഹൈസിന ലുലു വില്ലേജിലെ താമസ സ്ഥലത്ത് നിന്ന് ഓഫീസിലേക്ക് പോകാന് കമ്പനി വാഹനം കാത്തുനില്ക്കുന്നതിനിടെ കുഴഞ്ഞു വീഴുകയായിരുന്നു. ഉടന് ആംബുലന്സില് അല് നഹ്ദ എന്.എം.സി ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. 26 വര്ഷമായി ലുലു ഗ്രൂപ്പില് ജോലി ചെയ്ത് വരികയായിരുന്നു.ാ എം.ജി സര്വകലാശാലയുടെയും ബി.എസ്.എഫിന്റെയും, കെ.ടി.സി.യുടെയും വോളിബോള് താരമായിരുന്നു ജോജോ.
നാട്ടിലെത്തിച്ച മൃതദേഹം ഇന്ന് (വ്യാഴം) 2 മണിക്ക് രാമപുരം സെന്റ് അഗസ്റ്റിന്സ് ഫെറോന പള്ളിയില് സംസ്കരിക്കും. രാമപുരം പുത്തന് പുരക്കല് പരേതരായ ചാക്കോയുടെയും മരിയക്കുട്ടിയുടെയും മകനാണ്. ഭാര്യ: നടുവറ്റം തക്കുറ്റിമ്യാലില് ജെയിന്. മക്കള്: ക്രിസിന് മരിയ (ആസ്ത്രേലിയ), കാതറിന് മരിയ, ക്രിസ്റ്റോ ജേക്കബ്.
Related News
