ജിദ്ദ: കഴിഞ്ഞ ദിവസങ്ങളില്‍ ജിദ്ദയില്‍ വെച്ച് മരണപ്പെട്ട രണ്ട് പേരുടെ മയ്യിത്തുകള്‍ ജിദ്ദ കെ എം സി സി വെല്‍ഫയര്‍ വിങ്ങ് അംഗം സുബൈര്‍ വട്ടോളിയുടെ നേതൃത്വത്തില്‍ മഹജര്‍ എംബാമിങ്ങ് സെന്ററില്‍ നടപടികള്‍ പൂര്‍ത്തികരിച്ച് രാത്രിയുള്ള എയര്‍ ഇന്ത്യ എക്‌സ്പ്രസ് വിമാനത്തില്‍ കരിപ്പൂര്‍ വിമാനത്താവളത്തിലേക്ക അയച്ചു.

ഉംറ നിര്‍വ്വഹിക്കുവാന്‍ എത്തിയ പെരിന്തല്‍മണ്ണ താഴേക്കോട് സ്വദേശിനി പൊന്നേത്ത് നഫീസ, താമരശ്ശേരി പുതുപ്പാടി സ്വദേശി വട്ടിമേല്‍ അബ്ദുല്‍ നാസര്‍ എന്നിവരുടെ മയ്യിത്തുകളാണ് വിമാനത്താവളത്തില്‍ വെച്ച് ബന്ധുക്കള്‍ ഏറ്റുവാങ്ങി വീട്ടില്‍ പൊതുദര്‍ശനത്തില്‍ വെച്ചതിന്‌ശേഷം ഖബറടക്കിയത്. നഫീസയുടെ ഖബറടക്കം താഴേക്കോട് ജുമാ മസ്ജിദ് കബര്‍സ്ഥാനിലും, അബ്ദുല്‍ നാസറിന്റെ മയ്യിത്ത് പുതുപ്പാടി ഒടുങ്ങാക്കാട് മഖാം ജുമാമസ്ജിദ് ഖബര്‍സ്ഥാനിലുമാണ് മറവ് ചെയ്തത്.

ഫോട്ടോ: നഫീസ.