ജിദ്ദ: സൗദി അറേബ്യയിലെ തായിഫിന് സമീപമുണ്ടായ വാഹനാപകടത്തില്‍ മണ്ണാര്‍ക്കാട് സ്വദേശി മരിച്ചു. തെങ്കര മണലാടി സ്വദേശി ചേരികല്ലന്‍ ഉബൈദ് (51) ആണ് മരിച്ചത്. വെള്ളിയാഴ്ച തായിഫ്-റിയാദ് ഹൈവേയിലെ റിള് വാനു സമീപമായിരുന്നു അപകടം. തായിഫിലെ അസീസിയ്യയില്‍ സ്വകാര്യ സ്ഥാപനത്തില്‍ ഡ്രൈവറായി ജോലി ചെയ്തുവരികയായിരുന്നു ഇദ്ദേഹം. മൃതദേഹം തായിഫ് കിംഗ് ഫൈസല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.