ജിദ്ദ: ജമാഅത്തെ ഇസ്‌ലാമി അംഗമവും ഫാറൂഖ് കോളേജ് അറബി വിഭാഗം തലവനുമായിരുന്ന വള്ളുവമ്പ്രം മുസ്ലിയാര്‍ പീടികയില്‍ താമസിക്കുന്ന പ്രൊഫസര്‍ മുസ്‌ലിയാരകത്ത് മൊയ്ദീന്‍കുട്ടി (89) നിര്യാതനായി. ഏതാനും വര്‍ഷം സൗദി അറേബ്യയിലെ അറബ് ന്യൂസ് എഡിറ്റോറിയല്‍ ട്രാന്‍സലേറ്ററായി ജോലി നോക്കിയിട്ടുള്ള ഇദ്ദേഹം ആകാശവാണി ഡല്‍ഹി, സിംല നിലയങ്ങളിലും സേവനം അനുഷ്ഠിച്ചിട്ടുണ്ട്.

മലപ്പുറം ഫലാഹിയ കോളേജിലെ പ്രിന്‍സിപ്പല്‍ ആയും മലപ്പുറം വിദ്യാനഗര്‍ സ്‌കൂളിന്റെ സ്ഥാപക ചെയര്‍മാനായും ദീര്‍ഘ കാലം സേവന മനുഷ്ഠിച്ചിരുന്ന ഇദ്ദേഹം മലപ്പുറത്തും നാട്ടിലും ഖുര്‍ആന്‍ പഠന ക്ലാസുകള്‍ നടത്തിയിരുന്നു. മോങ്ങം അന്‍വാറുല്‍ ഇസ് ലാം അറബി കോളേജ്, അത്താണിക്കല്‍ കാരുണ്യ കേന്ദ്രം തുടങ്ങി ഒട്ടേറെ സാമൂഹ്യ സേവന വിദ്യാഭ്യാസ രംഗങ്ങളില്‍ നേതൃപരമായ പങ്കുവഹിച്ചിട്ടുണ്ട്. വള്ളുവമ്പ്രം മഹല്ലിലെ ആദ്യകാല ദര്‍സ് വിദ്യാര്‍ത്ഥികളില്‍ ഒരാളുമായിരുന്നു. മയ്യിത്ത് നമസ്‌കാരം ഇന്ന് (19/01/2026) വൈകുന്നേരം 4.30ന് വള്ളുവമ്പ്രം മഹല്ല് ജുമാ മസ്ജിദില്‍.

ജഭാര്യ. സുലൈഖ കോടിത്തൊടിക (ചെറുപുത്തൂര്‍). മക്കള്‍ : ഷഫീഖ് അഹമ്മദ്, റഫീഖ് ഹസ്സന്‍ (സെന്‍ട്രല്‍ എക്‌സൈസ്), മുനീര്‍, സലീം, ആയിഷ, അമീന ഫിര്‍ദൗസ് മക്കരപ്പറമ്പ്. മരുമക്കള്‍: അബ്ദുറസാഖ് വടക്കാങ്ങര, നസീര്‍ വി.പി മക്കരപ്പറമ്പ്, മുന്‍ മലപ്പുറം ബ്ലോക്ക് പഞ്ചായത്തംഗം സുബൈദ മുസ്‌ലിയാരകത്ത് ഇരുമ്പുഴി, റീന അരിമ്പ്ര, ജമീല മലപ്പുറം, ഷാഹിന കടുങ്ങൂത്ത്. സഹോദരങ്ങള്‍ : പരേതരായ മുഹമ്മദ് മുസ്ലിയാര്‍, ലവക്കുട്ടി ഹാജി.