ജിദ്ദ- സൗദി അറേബ്യയിലെ കിഴക്കന് പ്രവിശ്യയില് ശക്തമായ കാറ്റിന് സാധ്യതയുള്ളതായി ദേശീയ കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി. ദമ്മാം, ദഹ്റാന് എന്നീ നഗരങ്ങളിലും ഹഫര് അല്-ബാത്തിന്, അല്-നൈരിയ, അല്-ഖഫ്ജി, ഖര്യാത്ത് അല്-ഉല്യ, ജുബൈല്, റാസ് തന്നൂറ, ഖത്തീഫ്, ഖോബാര്, അബ്ഖൈഖ്, അല്-അഹ്സ എന്നീ ഗവര്ണറേറ്റുകളിലുമാണ് കാലാവസ്ഥാ വ്യതിയാനം പ്രതീക്ഷിക്കുന്നത്.
ശക്തമായ കാറ്റ് പൊടിപടലങ്ങള് ഉയരുന്നതിന് കാരണമാകുമെന്നും ഇതുമൂലം റോഡുകളിലും തുറസ്സായ സ്ഥലങ്ങളിലും കാഴ്ചപരിധി ഒന്നു മുതല് മൂന്ന് കിലോമീറ്റര് വരെയായി കുറയാന് സാധ്യതയുണ്ടെന്നും അധികൃതര് വിശദീകരിച്ചു. കൂടാതെ, കിഴക്കന് പ്രവിശ്യയിലെ തീരപ്രദേശങ്ങളില് കടല് തിരമാലകള് ഉയരാനും സാധ്യതയുണ്ട്. ഈ കാലാവസ്ഥാ സാഹചര്യം വൈകുന്നേരം 5 മണി വരെ തുടരുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
Related News
