.jpg)
യാമ്പു: സൗദിയിലെ യാമ്പുവില് ദീര്ഘകാലം ജോലിനോക്കിയിരുന്ന ആലുവ സ്വദേശി നാട്ടില് നിര്യാതനായി. ആലുവ കുഞ്ഞുണ്ണിക്കര പരേതനായ കടവിലക്കണ്ടത്തില് നൂര് മുഹമ്മദ് മുസ്ലിയാര് മകന് നൂര് മുഹമ്മദ് ഹംസ (74) ആണ് മരിച്ചത്. വൃക്കസംബന്ധമായ അസുഖത്തെ തുടര്ന്ന് ചികിത്സയിലായിരുന്നു. മൃതദേഹം ഇന്ന് രാവിലെ ആലുവ കുഞ്ഞുണ്ണിക്കര മുസ്ലിം ജമാഅത്ത് പള്ളി ഖബറിസ്ഥാനില് ഖബറടക്കി.
1975 ല് യാമ്പുവിലെ സൗദി പാര്സന്സ് കമ്പനിയില് അക്കൗണ്ടന്റായി ജോലിയില് ചേര്ന്ന അദ്ദേഹം നാല് പതിറ്റാണ്ടത്തെ പ്രവാസം മതിയാക്കി 2015 ലാണ് മടങ്ങിയത്. യാമ്പു പാര്സന്സ് കമ്പനിയിലെ ജോലിയില് നിന്ന് വിരമിച്ച് കുറച്ചു കാലം ടെക്കിന്റ് കമ്പനിയിലും ജോലി ചെയ്തിരുന്നു. റാബഖില് നിന്നാണ് പ്രവാസം മതിയാക്കി മടങ്ങിയത്.
യാമ്പുവില് ഒട്ടേറെ സൗഹൃദ വയത്തിനുടമയായിരുന്നു ഹംസ. ഐഷാ ബീവി തറോലയാണ് ഭാര്യ. മക്കള്: ജാസ്മിന്, ജബീന്, ജവാഹിര്, മരുമക്കള്: ബഷീര്, നബീല്, റോഷന്.
Related News
