ജിദ്ദ: തിരൂരങ്ങാടി മണ്ഡലം കെഎംസിസിയുടെ നേതൃത്വത്തില് ഉംറ നിര്വഹിക്കാന് എത്തിയ തിരൂരങ്ങാടി മണ്ഡലം മുസ്ലിം ലീഗ് സെക്രട്ടറിയും തിരൂരങ്ങാടി മുനിസിപ്പലിറ്റി 17ാം ഡിവിഷന് കൗണ്സിലരുമായ യു.കെ. മുസ്തഫ മാസ്റ്റര്ക്ക് സ്വീകരണവും, പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന കെ.കെ. മുസ്തഫക്ക് യാത്രയയപ്പും നല്കി. ജിദ്ദ സെന്ട്രല് കമ്മിറ്റി ജനറല് സെക്രട്ടറി വി.പി. മുസ്തഫ പരിപാടി ഉദ്ഘാടനം ചെയ്തു. മണ്ഡലം പ്രസിഡന്റ് ജാഫര് വെന്നിയൂര് അദ്ധ്യക്ഷത വഹിച്ചു.
നേതാക്കളായ സെന്ട്രല് കമ്മിറ്റി സെക്രട്ടറി ഇസ്ഹാഖ് പൂണ്ടോളി, ജിദ്ദ സംസ്കൃതി ചെയര്മാന് സീതി കൊളക്കാടന്, മണ്ഡലം ചെയര്മാന് പി.കെ. സുഹൈല്, മണ്ഡലം നേതാക്കളായ റഫീഖ് പന്താരങ്ങാടി, അബ്ദുസ്സമദ് പൊറ്റയില്, ഇബ്രാഹിം കുട്ടി നന്നമ്പ്ര, മുനീര് തലാപ്പില്, ഗഫൂര് പൂങ്കാടന് എന്നിവര് പ്രസംഗിച്ചു.
സംഘടനാ രംഗത്തും സാമൂഹ്യ സേവന പ്രവര്ത്തനങ്ങളിലുമുള്ള മുസ്തഫ മാഷിന്റെ സംഭാവനകള് നേതാക്കള് അനുസ്മരിച്ചു. പ്രവാസ ലോകത്ത് സംഘടനാ പ്രവര്ത്തനങ്ങളിലൂടെ കെ.കെ. മുസ്തഫ നല്കിയ സേവനങ്ങള് മാതൃകാപരമാണെന്നും, നാട്ടിലേക്കുള്ള മടങ്ങല് പുതിയ സേവന പ്രവര്ത്തനങ്ങള്ക്ക് തുടക്കമാകട്ടെയെന്നും ആശംസിച്ചു.
യുകെ മുസ്തഫ മാസ്റ്റര്ക്കുള്ള മെമന്റോ കെഎംസിസി മണ്ഡലം പ്രസിഡന്റ് ജാഫര് വെണ്ണിയൂരും കെ.കെ മുസ്തഫക്കുള്ള മെമന്റോ ജനറല് സെക്രെട്ടറി റഷീദ് കോഴിക്കോടനും കൈമാറി. യോഗത്തില് റഷീദ് കൊഴിക്കോടന് സ്വാഗതവും, റഫീഖ് കൂളത്ത് നന്ദിയും പറഞ്ഞു.
ഫോട്ടോ: യു.കെ മുസ്തഫ മാസ്റ്റര്ക്കുള്ള മെമന്റോ കെഎംസിസി മണ്ഡലം പ്രസിഡന്റ് ജാഫര് വെന്നിയൂര് കൈമാറുന്നു.
Related News
