റിയാദ്. എസ് ഐ ആറുമായി ബന്ധപ്പെട്ട് പ്രവാസ സമൂഹത്തിന്റെ ആശങ്ക കണക്കിലെടുത്ത് വോട്ടര് പട്ടികയില് പേര് ചേര്ക്കുവാന് സൗകര്യം ഒരുക്കി റിയാദ് കെഎംസിസി സെന്ട്രല് കമ്മിറ്റി മാതൃക തീര്ത്തു.
വോട്ടര് പട്ടിക ശുദ്ധീകരണത്തിന്റെ ഭാഗമായി എസ് ഐ ആര് കരട് പട്ടിക പുറത്ത് വന്നപ്പോള് പേരില്ലാത്ത ആയിരക്കണക്കിന് പ്രവാസികളാണ് വിവിധ നാടുകളിലുള്ളത്. റിയാദില് മലയാളികളായ പ്രവാസികളുടെ അന്വേഷണങ്ങള് പരിഗണിച്ച് റിയാദ് കെഎംസിസി ബത്ഹ ഓഫീസില് ഒരുക്കിയ പ്രത്യേക ഹെല്പ് ഡസ്കിലേക്ക് സ്ത്രീകളടക്കം നൂറുകണക്കിന് പ്രവാസികളാണ് എത്തിച്ചേര്ന്നത്. കഴിഞ്ഞ വെള്ളിയാഴ്ച രാവിലെ എട്ട് മണിമുതല് രാത്രി ഒന്പത് വരെയാണ് പ്രത്യേക പരിശീലനം നേടിയ കെഎംസിസി പ്രവര്ത്തകരുടെ സഹകരണത്തോടെ ഡസ്ക് ഒരുക്കിയത്. പതിനേഴോളം കൗണ്ടറുകളാണ് എ ഐ സാങ്കേതിക വിദ്യ ഉപയോഗിച്ച് അപേക്ഷ നല്കുവാന് സജ്ജമാക്കിയത്. ദൂര ദിക്കുകളില് നിന്ന് പോലും ധാരാളം ആളുകള് കെഎംസിസിയുടെ ഹെല്പ് ഡസ്കിലേക്ക് വരികയും അപേക്ഷ സമര്പ്പിക്കുകയും ചെയ്തു.
പ്രവാസികളുടെ ആശങ്ക പരിഗണിച്ച് പ്രവാസി വോട്ട് ചേര്ക്കുവാനുള്ള സമയ പരിധി വര്ധിപ്പിക്കണമെന്ന് സാമൂഹ്യ പ്രവര്ത്തകനായ ശിഹാബ് കൊട്ടുക്കാട് ആവശ്യപ്പെട്ടു. കെഎംസിസി കാണിച്ചിട്ടുള്ള മാതൃക അനുകരണീയമാണെന്നും അഭിനന്ദനം അര്ഹിക്കുന്നുണ്ടെന്നും റിയാദ് ഒ ഐ സി സി പ്രസിഡന്റ് സലീം കളക്കര അഭിപ്രായപ്പെട്ടു. പ്രവാസികളോടൊപ്പം എന്നും നിലയുറപ്പിച്ചിട്ടുള്ള റിയാദ് കെഎംസിസി സെന്ട്രല് കമ്മിറ്റി നടത്തുന്ന ഈ പ്രവര്ത്തനം മലയാളി സംഘടനകള് ഒരുമിച്ചു ഏറ്റെടുക്കണമെന്ന് മാധ്യമ പ്രവര്ത്തകന് നജീം കൊച്ചുകലുങ്ക് ആവശ്യപ്പെട്ടു. ജനാധിപത്യ അവകാശം എന്ന നിലയില് പ്രവാസികള്ക്ക് വോട്ട് ഉറപ്പു വരുത്തുവാന് എല്ലാ രാജ്യങ്ങളിലെയും ഇന്ത്യന് എംബസികള് മുന്കൈ എടുത്ത് പരിഹാരം കാണണമെന്ന് നൗഫല് പാലക്കാടന് അഭിപ്രായപ്പെട്ടു. നഗര പ്രദേശങ്ങളിലുള്ളവര്ക്ക് പല സൗകര്യങ്ങളും ഉണ്ടെങ്കിലും ഉള് നാടുകളിലെ പ്രവാസികള്ക് ഇത്തരത്തിലുള്ള സാഹചര്യങ്ങള് ഇല്ലാതെ പോകുന്നതിലെ ആശങ്കയാണ് മാധ്യമ പ്രവര്ത്തകരായ ജയന് കൊടുങ്ങല്ലൂരും ഷിബു ഉസ്മാനും പങ്ക് വെച്ചത്. വിവിധ രാഷ്ട്രീയ സാമൂഹിക മാധ്യമ രംഗത്തെ ആളുകള് ഹെല്പ് ഡസ്ക് സന്ദര്ശിച്ചു.
സൗദി കെഎംസിസി നാഷണല് കമ്മിറ്റിയുടെ നിര്ദ്ദേശപ്രകാരം വിവിധ സെന്ട്രല് കമ്മിറ്റികള്ക്ക് കീഴിയില് ഇത് പോലുള്ള സൗകര്യങ്ങള് ഒരുക്കി നല്കുമെന്നും റിയാദ് കെഎംസിസി സെന്ട്രല് കമ്മിറ്റി വിപുലമായ രീതിയില് ഒരുക്കിയ ഹെല്പ് ഡസ്ക് നിരവധി പ്രവാസി സുഹൃത്തുക്കള്ക്ക് വലിയ ആശ്വാസമാണ് ഉണ്ടായതെന്നും നാഷണല് കമ്മിറ്റി ജനറല് സെക്രട്ടറി അഷ്റഫ് വേങ്ങാട്ട് പറഞ്ഞു. വൈസ് പ്രസിഡന്റ് ഉസ്മാന് അലി പാലത്തിങ്ങല്, റിയാദ് കെഎംസിസി ജനറല് സെക്രട്ടറി ശുഐബ് പനങ്ങാങ്ങര, ഭാരവാഹികളായ അഷ്റഫ് വെള്ളെപ്പാടം, സത്താര് താമരത്ത്, ഷാഫി മാസ്റ്റര് തുവ്വൂര്, അഷ്റഫ് കല്പകഞ്ചേരി, റഫീഖ് മഞ്ചേരി, ഷമീര് പറമ്പത്ത്, സിറാജ് മേടപ്പില്, ബഷീര് ഇരുമ്പുഴി, മുസമ്മില് പാലത്തിങ്ങല്, സഫീര്ഖാന് കരുവാരക്കുണ്ട്, ഫൈസല് പൂനൂര്, ഷാജഹാന് വള്ളിക്കുന്ന്, നവാസ് വേങ്ങര, യൂനുസ് തോട്ടത്തില്, നസീര് വളപുരം, ജാഫര് വീമ്പൂര്, അമീര് പൂക്കോട്ടൂര്, സിദ്ധീഖ് കൊടുവള്ളി, ഹര്ഷാദ് തങ്ങള്,ജുനൈദ് വള്ളിക്കുന്ന്, സഹീദ് ധര്മ്മടം, ഷറഫു വള്ളിക്കുന്ന്, ഡോ. ജലീല്, ഷംസു വടപുറം, കരീം കാനാപുറം, ഇസ്ഹാഖ് താനൂര്, അപ്പത്തില് കരീം, മുനവ്വിര് താനാളൂര്, ഷാഫി വെട്ടിക്കാട്ടിരി തുടങ്ങിയവര് ഹെല്പ് ഡെസ്കിന് നേതൃത്വം നല്കി.
