റിയാദ്: റിയാദ് ഇന്ത്യന് എംബസിയുടെ നേതൃത്വത്തില് ഇന്ത്യയുടെ 77-ാമത് റിപ്പബ്ലിക് ദിനം ആഘോഷിച്ചു. ഇന്ത്യന് സമൂഹാംഗങ്ങള്, പ്രവാസി ഭാരതീയ സമ്മാന് പുരസ്കാര ജേതാക്കള്, എംബസി ഉദ്യോഗസ്ഥര്, സൗദിയിലെ മാധ്യമ പ്രതിനിധികള് എന്നിവരടക്കം ഏകദേശം 500 പേര് ആഘോഷങ്ങളില് പങ്കെടുത്തു.
അംബാസഡര് ഡോ. സുഹേല് അജാസ് ഖാന് ദേശീയ പതാക ഉയര്ത്തിയതോടെയാണ് ചടങ്ങുകള്ക്ക് തുടക്കമായത്. തുടര്ന്ന് ദേശീയഗാനം ആലപിക്കുകയും മഹാത്മാ ഗാന്ധിയുടെ പ്രതിമയില് പുഷ്പാര്ച്ചന നടത്തുകയും ചെയ്തു. 77-ാമത് റിപ്പബ്ലിക് ദിനാഘോഷങ്ങളുടെ ഭാഗമായി രാഷ്ട്രപതിയുടെ സന്ദേശം അംബാസഡര് വായിച്ചു.
തുടര്ന്ന് സ്കൂള് കുട്ടികളും ഇന്ത്യന് സമൂഹാംഗങ്ങളും അവതരിപ്പിച്ച വിവിധ സാംസ്കാരിക പരിപാടികള് അരങ്ങേറി. വന്ദേ മാതരം 150-ാം വാര്ഷികാഘോഷങ്ങളുമായി ബന്ധപ്പെട്ട പ്രത്യേക അവതരണങ്ങളും ശ്രദ്ധേയമായി. ദേശീയ ഗാനത്തിന്റെ പ്രാധാന്യം അടയാളപ്പെടുത്തുന്ന ഫോട്ടോ ബൂത്തും ചടങ്ങിനോടനുബന്ധിച്ച് ഒരുക്കിയിരുന്നു.
ചടങ്ങുകളുടെ ഭാഗമായി അംബാസഡര് ഇന്ത്യന് പ്രവാസി സമൂഹാംഗങ്ങളുമായും പ്രാദേശിക മാധ്യമപ്രവര്ത്തകരുമായും സംവദിച്ചു. ഇന്ത്യയുടെ ഐക്യവും വൈവിധ്യവും പ്രതിഫലിപ്പിച്ച ആഘോഷങ്ങള് റിപ്പബ്ലിക് ദിനത്തിന് പ്രത്യേക പ്രൗഢി പകര്ന്നു.
ജിദ്ദ ഇന്ത്യന് കോണ്സുലേറ്റിലും റിപ്പബ്ലിക് ദിനാഘോഷം നടന്നു. കോണ്സല് ജനറല് ഫഹദ് അഹമ്മദ് ഖാന് സൂരി ദേശീയ പതാക ഉയര്ത്തി രാഷ്ട്രപതിയുടെ സന്ദേശം വായിച്ചു. സൂഹമത്തിന്റെ വിവിധ തുറകളിലുള്ളവര് ആഘോഷത്തില് പങ്കെടുത്തു. ഇന്ത്യന് സ്കൂള് വിദ്യാര്ഥികളുടെ ദേശഭക്തി ഗാനാലാപനവും ഉണ്ടായിരുന്നു.
