ജിദ്ദ: കുറഞ്ഞ ചെലവില്‍ മികച്ച ഉല്‍പ്പന്നങ്ങള്‍ ലഭ്യമാക്കുന്നതിനൊപ്പം സുസ്ഥിര ജീവിതശൈലി പ്രോത്സാഹിപ്പിക്കുക എന്ന ലക്ഷ്യത്തോടെ ജിദ്ദ സിജി വിമന്‍ കളക്ടീവ് ബിസിനസ് ഇനിഷ്യേറ്റീവ് ഗ്രൂപ്പ് 'ത്രിഫ്റ്റ് ഈവന്റ്' സംഘടിപ്പിക്കുന്നു. 2026 ജനുവരി 30 വെള്ളിയാഴ്ച ജിദ്ദ അല്‍ സാമിറിലെ ന്യൂ അല്‍ വുറൂദ് ഇന്റര്‍നാഷണല്‍ സ്‌കൂളില്‍ (ബോയ്സ് സെക്ഷന്‍) ആണ് ഏകദിന പരിപാടി നടക്കുക.

'റഡ്യൂസ്, റീയൂസ്, റീസൈക്കിള്‍' (ഉപയോഗം കുറയ്ക്കുക, പുനരുപയോഗിക്കുക, പുനഃചംക്രമണം ചെയ്യുക) എന്ന സന്ദേശം മുന്‍നിര്‍ത്തിയാണ് ഈ പ്രദര്‍ശനവും വിപണനവും ഒരുക്കിയിരിക്കുന്നത്. ഉപയോഗിച്ചതും എന്നാല്‍ മികച്ചതുമായ വസ്തുക്കള്‍ കൈമാറാനും മിതമായ നിരക്കില്‍ വാങ്ങാനും ഈ അവസരം പ്രയോജനപ്പെടുത്താം.

ജിദ്ദ അല്‍ സാമിറിലെ ന്യൂ അല്‍ വുറൂദ് ഇന്റര്‍നാഷണല്‍ സ്‌കൂളില്‍ ജനുവരി 30, വെള്ളിയാഴ്ച വൈകുന്നേരം 6:00 മുതല്‍ രാത്രി 10:00 വരെ യാണ് പ്രദര്‍ശനവും വിപണനവും. അമിത ഉപഭോഗം കുറച്ച്, ഉള്ളത് പങ്കുവെച്ച് പരിസ്ഥിതി സൗഹൃദമായ ഒരു മാറ്റത്തിന്റെ ഭാഗമാകാന്‍ ജിദ്ദയിലെ പ്രവാസികളെ സംഘാടകര്‍ ക്ഷണിക്കുന്നു.