ജിദ്ദ: ജുനൂബിയ്യ മലയാളി കൂട്ടായ്മയുടെ 2024-2025 പ്രവര്ത്തന വര്ഷത്തെ സമഗ്രമായ വരവ്ചിലവ് കണക്കുകളും പ്രവര്ത്തന റിപ്പോര്ട്ടും പുതിയ കമ്മിറ്റിക്ക് കൈമാറി. സംഘടനയുടെ സുതാര്യതയും ഉത്തരവാദിത്തവും ഉറപ്പാക്കുന്നതിന്റെ ഭാഗമായി സംഘടിപ്പിച്ച ചടങ്ങില്, മുന് പ്രസിഡന്റ് ആഷിക് ഹസ്സൂണ് പുതിയ പ്രസിഡന്റ് റാഷിദ് ദാറു മായക്ക് രേഖകള് ഔദ്യോഗികമായി കൈമാറി.
കഴിഞ്ഞ കാലയളവില് കമ്മിറ്റി നടപ്പിലാക്കിയ സാമൂഹിക, സാംസ്കാരിക, ക്ഷേമ പ്രവര്ത്തനങ്ങളുടെ വിശദമായ റിപ്പോര്ട്ടാണ് ചടങ്ങില് സമര്പ്പിച്ചത്. സംഘടനയുടെ അടിത്തറ ദൃഢമാക്കുന്നതിനും ഭാവി പ്രവര്ത്തനങ്ങള് കൂടുതല് ഊര്ജ്ജസ്വലമാക്കുന്നതിനും ഈ കൈമാറ്റ ചടങ്ങ് സഹായകമാകുമെന്ന് ഭാരവാഹികള് വിലയിരുത്തി.
മുന്കാല സെക്രട്ടറി ഹംസ പാഴേരി, നാസര് പാച്ചീരി, സക്കീര് സോപ്പോ എന്നിവരും, നിലവിലെ സെക്രട്ടറി നൗഫല് RMAX, ട്രഷറര് അര്ഷാദ് വൈറ്റ് ഡോണ് എന്നിവരും ചടങ്ങില് സംബന്ധിച്ചു. സംഘടനയുടെ ജീവകാരുണ്യ-സാംസ്കാരിക പ്രവര്ത്തനങ്ങള് വരും വര്ഷങ്ങളില് കൂടുതല് കരുത്തോടെ മുന്നോട്ട് കൊണ്ടുപോകുമെന്ന് പുതിയ കമ്മിറ്റി അറിയിച്ചു.
Related News
