റിയാദ്- സൗദി അറേബ്യയെയും ബഹ്റൈനെയും ബന്ധിപ്പിക്കുന്ന കിംഗ് ഫഹദ് കോസ്വേയിലെ ടോള്‍ നിരക്കുകള്‍ വര്‍ദ്ധിപ്പിക്കാന്‍ തീരുമാനിച്ചു. 2026 ഫെബ്രുവരി 18 മുതല്‍ പുതിയ നിരക്കുകള്‍ പ്രാബല്യത്തില്‍ വരുമെന്ന് കിംഗ് ഫഹദ് കോസ്വേ അതോറിറ്റി അറിയിച്ചു.

പുതുക്കിയ നിരക്കുകള്‍ താഴെ പറയുന്നവയാണ്:

കാറുകള്‍, മോട്ടോര്‍ സൈക്കിളുകള്‍: 35 റിയാല്‍

മിനിബസുകള്‍: 55 റിയാല്‍

വലിയ ബസുകള്‍: 70 റിയാല്‍

ട്രക്കുകള്‍: ടണ്ണിന് 7 റിയാല്‍ എന്ന തോതില്‍

ഭിന്നശേഷിക്കാര്‍, വിദ്യാര്‍ത്ഥികള്‍, ദിവസേന യാത്ര ചെയ്യുന്നവര്‍ എന്നിവര്‍ക്ക് നിലവിലുള്ള നിരക്കില്‍ മാറ്റമുണ്ടാകില്ലെന്ന് അതോറിറ്റി വ്യക്തമാക്കിയിട്ടുണ്ട്.

നിലവില്‍ ചെറിയ കാറുകള്‍ക്ക് 25 റിയാലാണ് ടോള്‍ നിരക്ക്. 1986-ല്‍ കോസ്വേ തുറന്നതിന് ശേഷം ആദ്യമായി 2016-ലാണ് നിരക്ക് 20 റിയാലില്‍നിന്നു 25 റിയാലായി വര്‍ദ്ധിപ്പിച്ചത്. സേവനങ്ങളുടെ ഗുണനിലവാരം മെച്ചപ്പെടുത്തുന്നതിന്റെ ഭാഗമായാണ് ഇപ്പോള്‍ വീണ്ടും നിരക്ക് വര്‍ദ്ധിപ്പിക്കുന്നതെന്ന് അതോറിറ്റി അറിയിച്ചു.