ജിദ്ദ- റമദാന്-ഈദ് വിപണികള് ലക്ഷ്യമിട്ടുള്ള ഔദ്യോഗിക ഡിസ്കൗണ്ട് സീസണിന് ഇന്ന് (ഫെബ്രുവരി 1, ഞായര്) തുടക്കമായി. പെരുന്നാള് വരെ നീണ്ടുനില്ക്കുന്ന ഈ ഓഫര് കാലയളവ് ഉപഭോക്താക്കള്ക്ക് നേരത്തെ ഷോപ്പിംഗ് നടത്താനുള്ള അവസരമൊരുക്കുന്നു.
റമദാന് മാസത്തെ അവശ്യവസ്തുക്കള് മുതല് ഈദ് ആഘോഷങ്ങള്ക്കുള്ള വസ്ത്രങ്ങളും മറ്റ് ഉല്പ്പന്നങ്ങളും വരെ ഈ സീസണില് കുറഞ്ഞ വിലയില് ലഭ്യമാകും. ആകെ 54 ദിവസമാണ് ഈ ഓഫര് സീസണ് നീണ്ടുനില്ക്കുന്നത്. അവസാന നിമിഷത്തെ തിരക്ക് ഒഴിവാക്കി ഉപഭോക്താക്കള്ക്ക് സൗകര്യപ്രദമായി സാധനങ്ങള് വാങ്ങാന് പ്രോത്സാഹിപ്പിക്കുകയാണ് ഈ നീക്കത്തിലൂടെ വാണിജ്യ മന്ത്രാലയം ലക്ഷ്യമിടുന്നത്.
ഷോപ്പുകള്ക്കും ഓണ്ലൈന് സ്റ്റോറുകള്ക്കും ഡിസ്കൗണ്ട് ലൈസന്സുകള് മന്ത്രാലയത്തിന്റെ പോര്ട്ടല് വഴി ഇലക്ട്രോണിക് ആയി അപേക്ഷിക്കാം. ഇത്തരത്തില് ലഭിക്കുന്ന ലൈസന്സുകള് പ്രിന്റ് ചെയ്ത് ഉപഭോക്താക്കള്ക്ക് കാണാവുന്ന രീതിയില് പ്രദര്ശിപ്പിക്കണം. ഈ ഓണ്ലൈന് സംവിധാനം വഴി വ്യാപാരികള്ക്ക് തങ്ങളുടെ വാര്ഷിക ഡിസ്കൗണ്ട് ബാലന്സില്നിന്ന് ദിവസങ്ങള് നഷ്ടപ്പെടാതെ തന്നെ എളുപ്പത്തില് അനുമതി നേടാനാകും.
Related News
