ജിദ്ദ: ജിദ്ദ നവോദയ സഫ ഏരിയയും അബീര് എക്സ്പ്രസ് ക്ലിനിക്കും സംയുക്തമായി മെഡിക്കല് ക്യാമ്പ് സംഘടിപ്പിച്ചു. സഫയിലെ അബീര് എക്സ്പ്രസ് ക്ലിനിക്കില് നടന്ന ക്യാമ്പില് ഇരുനൂറോളം പേര് പങ്കെടുത്തു. വിവിധയിനം ആരോഗ്യ പരിശോധനകള് ക്യാമ്പിന്റെ ഭാഗമായി നടന്നു.
ഏരിയ ആരോഗ്യവേദി കണ്വീനര് അന്സാ ജോബിയുടെ അധ്യക്ഷതയില് നടന്ന ചടങ്ങില് ജിദ്ദ നവോദയ പ്രസിഡന്റ് കിസ്മത്ത് മമ്പാട് ക്യാമ്പ് ഉദ്ഘാടനം ചെയ്തു. ജീവകാരുണ്യ പ്രവര്ത്തനങ്ങളിലൂടെ ജിദ്ദയിലെ പ്രവാസ സമൂഹത്തില് വ്യക്തമായ സ്ഥാനമുറപ്പിച്ച സാംസ്കാരിക സംഘടനയാണ് ജിദ്ദ നവോദയയെന്നും, സംഘടനയുടെ ഭാഗമാകുന്നതിലൂടെ ഓരോരുത്തരും ഇത്തരം സേവന പ്രവര്ത്തനങ്ങളില് പങ്കാളികളാവുകയാണെന്നും അദ്ദേഹം പറഞ്ഞു.
ജിദ്ദ നവോദയ സഫ ഏരിയയും അബീര് എക്സ്പ്രസ് ക്ലിനിക്കും സംയുക്തമായി നല്കുന്ന പ്രിവിലേജ് കാര്ഡ് ഏരിയ രക്ഷാധികാരി ജുനൈസ് താഴെക്കോട് പ്രകാശനം ചെയ്തു. നവോദയ ട്രഷറര് സി. എം. അബ്ദുറഹ്മാന്, ഡോ. ഹലീമ മുഹമ്മദ് ഹാരിസ് എന്നിവര് ആശംസകള് അര്പ്പിച്ചു. ഏരിയ സെക്രട്ടറി റാസിക് തവനൂര് സ്വാഗതവും ഏരിയ ട്രഷറര് സുവിജ സത്യന് നന്ദിയും പറഞ്ഞു.
