അല്-ഖോബാര്: ലോകത്തെ മികച്ച സ്മാര്ട്ട് സിറ്റികളുടെ പട്ടികയായ ഐ.എം.ഡി സ്മാര്ട്ട് സിറ്റീസ് ഇന്ഡക്സില് തങ്ങളുടെ സ്ഥാനം മെച്ചപ്പെടുത്തുന്നതിന്റെ ഭാഗമായി, നഗരത്തിലെ ട്രാഫിക് സിഗ്നലുകളെ ആര്ട്ടിഫിഷ്യല് ഇന്റലിജന്സുമായി (എഐ) ബന്ധിപ്പിച്ചതായി അല്-ഖോബാര് നഗരസഭ അറിയിച്ചു. ഞായറാഴ്ചയാണ് ഇതുസംബന്ധിച്ച പ്രഖ്യാപനമുണ്ടായത്.
മനുഷ്യസേവനത്തിനായി നൂതന സാങ്കേതികവിദ്യ പ്രയോജനപ്പെടുത്താനുള്ള നഗരസഭയുടെ കഴിവിന്റെ അടയാളമാണിതെന്ന് അധികൃതര് വ്യക്തമാക്കി. ആര്ട്ടിഫിഷ്യല് ഇന്റലിജന്സ്, പ്രെഡിക്റ്റീവ് അനാലിസിസ് എന്നിവ ഉപയോഗിച്ച് ഗതാഗത കുരുക്ക് ഒഴിവാക്കാനും വാഹനങ്ങളുടെ ഒഴുക്ക് സുഗമമായി നിയന്ത്രിക്കാനും ഈ പുതിയ സംവിധാനത്തിലൂടെ സാധിക്കും.
റോഡപകടങ്ങള് കുറയ്ക്കാനും സുരക്ഷിതമായ യാത്രാ സൗകര്യം ഒരുക്കാനും ഇത് സഹായിക്കും. നഗരത്തിലെ ജനസംഖ്യാ വര്ധനവിനും സാമ്പത്തിക വളര്ച്ചയ്ക്കും അനുസൃതമായ ഗതാഗത സൗകര്യങ്ങള് ഉറപ്പാക്കുക, മികച്ച യാത്രാ സൗകര്യങ്ങളിലൂടെ ജനങ്ങളുടെ ജീവിതനിലവാരം ഉയര്ത്തുക. ദീര്ഘകാലാടിസ്ഥാനത്തില് നഗരത്തിലെ ഗതാഗത സംവിധാനത്തെ കൂടുതല് കാര്യക്ഷമവും സുസ്ഥിരവുമാക്കുക എന്നിവയാണ് പദ്ധതിയുടെ ലക്ഷ്യങ്ങള്.
സൗദി വിഷന് 2030-ന്റെ ഭാഗമായി രാജ്യത്തെ നഗരങ്ങളെ ആധുനികവല്ക്കരിക്കുന്ന പദ്ധതികളുടെ തുടര്ച്ചയായാണ് അല്-ഖോബാറിലെ ഈ പുതിയ കാല്വെപ്പ്.
Related News
