റിയാദ്: നീണ്ട ഇടവേളക്ക് ശേഷം കരിപ്പൂര് അന്താരാഷ്ട്ര വിമാനത്താവളത്തില് നിന്ന് റിയാദിലേക്ക് സര്വീസ് പുനരാരംഭിച്ച സൗദി എയര് ലൈന്സിന്റെ ആദ്യ വിമാനത്തില് റിയാദിലെത്തിയ യാത്രക്കാര്ക്ക് റിയാദ് ഒ ഐ സി സി മലപ്പുറം ജില്ല കമ്മിറ്റി സ്വീകരണം നല്കി. പ്രവാസി സമൂഹത്തിന്റെ ഏറെക്കാലത്തെ കാത്തിരിപ്പിന് ഇതോടെ വിരാമമായി. മലബാര് മേഖലയില് നിന്നുള്ള പ്രവാസികള് ഏറെ ആശ്രയിക്കുന്നത് കരിപ്പൂര് വിമാനത്താവളത്തെയാണ്.
റിയാദ് ഓ ഐ സി സി മലപ്പുറം ജില്ല പ്രസിഡണ്ട് സിദ്ദീഖ് കല്ലുപറമ്പിന്റെ നേതൃത്വത്തില് സെന്ട്രല് കമ്മിറ്റി പ്രസിഡണ്ട് സലിം കളക്കര, ജില്ല ജനറല് സെക്രട്ടറിയും മീഡിയ കോര്ഡിനേറ്ററുമായ അലി അഹമ്മദ് ആസാദ്, ഒ ഐ സി സി വനിതാ വേദി ട്രഷറര് സൈഫുന്നിസ സിദ്ധീഖ്, അമന് ഫറാസ്, അഫ്ര പി കെ എന്നിവര് ചേര്ന്ന് പൂക്കളും മധുരവും നല്കി യാത്രക്കാരെ സ്വീകരിച്ചു. ഒ ഐ സി സി നല്കിയ ഹൃദ്യമായ സ്വീകരണത്തിന് യാത്രക്കാര് നന്ദി പറഞ്ഞു.
