ജിദ്ദ : 200 മണിക്കൂര്‍ വിമാനം പറത്തി കൊമേഴ്‌സ്യല്‍ പൈലറ്റ് ലൈസന്‍സ് സ്വന്തമാക്കി ജിദ്ദ പ്രവാസിയുടെ മകന്‍ പാലോളി മുഹമ്മദ് ഷിബിലി നാടിന്റെ അഭിമാനമായി. മലപ്പുറം ജില്ലയിലെ കുരുവമ്പലം വില്ലേജില്‍ വളപുരം സ്വദേശി പാലോളി ശരീഫ് - സൗമിറ ദമ്പതികളുടെ മൂത്ത മകനാണ് മുഹമ്മദ് ഷിബില്‍ (20).
ഏറെക്കാലമായി, ജിദ്ദയില്‍ പ്രവാസിയാണ് പിതാവ് മുഹമ്മദ് ശരീഫ്. മകന്റെ നേട്ടത്തില്‍ അഭിമാനം കൊള്ളുകയാണ് ശരീഫും കുടുംബവും.

മകന്റെ ആഗ്രഹം പൂര്‍ത്തീകരിക്കാന്‍ തയ്യാറായതിന്റെ ഫലമാണ് കമേഴ്‌സ്യല്‍ പൈലറ്റ് ലൈസന്‍സ് സ്വന്തമാക്കാനായത്. എന്ന് ശരീഫ് പറയുന്നു. ഏവിയേഷന്‍ കോഴ്‌സ് സ്വയം തിരഞ്ഞെടുക്കുകയായിരുന്നു മുഹമ്മദ് ഷിബിലി. പൈലറ്റ് ലൈസന്‍സ് കരസ്ഥമാക്കിയ മുഹമ്മദ് ഷിബിലി ഇപ്പോള്‍ നാടിന്റെയും നാട്ടുകാരുടെയും ബഹുമുഖ പ്രതിഭകളുടെയും മത സാമൂഹ്യ സാംസ്‌കാരിക വൈജ്ഞാനിക രംഗത്തെ സംഘടനകളുടെയും കുടുംബത്തിന്റെയും സ്‌നേഹാദരം ഏറ്റുവാങ്ങി നാടിന്റെ അഭിമാനമായി, നാടിനും നാട്ടുകാര്‍ക്കുമൊപ്പം ചേര്‍ന്നു നില്‍ക്കുകയാണ്.