പെരുമ്പാവൂര്‍: എറണാകുളം ജില്ല പ്രവാസി & എക്‌സ് പ്രവാസി അസോസി യേഷന്‍ (EDPA) പുതിയതായി തെരഞ്ഞെടുക്കപ്പെട്ട പെരുമ്പാവൂര്‍ നഗരസഭ ജനപ്രതിനിധികളെയും സാമൂഹിക, സാംസ്‌കാരിക, കായിക രംഗത്ത് കഴിവു തെളിയിച്ചരെയും ആദരിക്കുന്നു. നാളെ (7.02.2026 ശനിയാഴ്ച) വൈകിട്ട് 4.30 ന് പെരുമ്പാവൂര്‍ ഫ്‌ലോറ റെസിഡന്‍സിയില്‍ നടക്കുന്ന ചടങ്ങിലാണ് ആദരവ് നടക്കുക.

നഗരസഭയിലേക്ക് തെരഞ്ഞെടുക്കപ്പെട്ട 29 കൗണ്‍സിലര്‍മാരെയും സാമൂഹിക സാംസ്‌കാരിക രംഗത്തെ പ്രമുഖ വ്യക്തിത്വങ്ങളായ പോള്‍ കറുകപ്പിള്ളില്‍ (കേരളാ ടൈംസ് മാനേജിങ് ഡയറക്ടര്‍, പ്രവാസി കോണ്‍ക്ലേവ് ട്രസ്റ്റ് പ്രസിഡന്റ്, ഫൊക്കാന മുന്‍ പ്രസിഡന്റ്), ഡോ. വര്‍ഗീസ് മൂലന്‍ (മൂലന്‍സ് ഗ്രൂപ്പ്), നസീര്‍ പെരുമ്പാവൂര്‍ (ഫിലിം പ്രൊഡ്യൂസര്‍ യു.എ.ഇ.), റഫീഖ് ചൊക്ക്‌ലി (സിനിമ / സീരിയല്‍ നടന്‍), മമ്മി സെഞ്ചുറി (സെക്രട്ടറി, കേരള ഫിലിം ചേംബര്‍), ഭിന്നശേഷി വിഭാഗത്തില്‍ ദേശീയ പുരസ്‌കാര ജേതാവായ സി.കെ ജയന്‍ അല്ലപ്ര എന്നിവരെയുമാണ് ആദരിക്കുന്നത്. ചടങ്ങില്‍ വിവിധ രംഗങ്ങളിലെ പ്രമുഖരും ഇ.ഡി.പി.എ അംഗങ്ങളും പങ്കെടുക്കുമെന്ന് ഭാരവാഹികള്‍ അറിയിച്ചു.