ജിദ്ദ : ആസന്നമായ നിയമസഭാ തെരഞ്ഞെടുപ്പില് മങ്കടയില് കോണ്ഗ്രസിന്റെ സ്ഥാനാര്ഥിയായി എഴുത്തുകാരനും എഐസിസി ട്രെയിനിംഗ് കോര്ഡിനേറ്ററുമായിരുന്ന, വാഗ്മിയും ഡി.സി.സി സെക്രട്ടറിയുമായ സമദ് മങ്കടയെ പരിഗണിക്കണമെന്ന് ഒ ഐ സി സി മങ്കട നിയോജക മണ്ഡലം കമ്മിറ്റി ജിദ്ദ, കെ പി സി സി നേതൃത്വത്തോട് അഭ്യര്ത്ഥിച്ചു.
സംഘടനാ രംഗത്തും സാമൂഹിക-സാംസ്കാരിക മേഖലയിലും സമദ് മങ്കട നല്കിയ സംഭാവനകള് മണ്ഡലത്തിലെ പ്രവര്ത്തകര്ക്കും പൊതുസമൂഹത്തിനും സുപരിചിതമാണെന്നും പാര്ട്ടിയുടെ ആശയങ്ങളെ വ്യക്തമായി ജനങ്ങളിലേക്ക് എത്തിക്കാനുള്ള അദ്ദേഹത്തിന്റെ കഴിവ് വരുന്ന തെരഞ്ഞെടുപ്പില് കോണ്ഗ്രസിന് ശക്തിയാകുമെന്നും ജില്ലാ കമ്മിറ്റി ഓഫീസില് ചേര്ന്ന ഒ ഐ സി സി മങ്കട കമ്മിറ്റി പ്രവര്ത്തക കണ്വെന്ഷന് അഭിപ്രായപ്പെട്ടു.
മങ്കട നിയോജക മണ്ഡലത്തിലെ പാര്ട്ടി പ്രവര്ത്തകരുടെയും അഭ്യുദയകാംക്ഷികളുടെയും വികാരമാണ് ഈ ആവശ്യമെന്നു കമ്മിറ്റി വ്യക്തമാക്കി.
ഇ പി മുഹമ്മദാലി അദ്ധ്യക്ഷത വഹിച്ചു. സി പി സൈതലവി, വി പി ഹുസ്സൈന്, ഫൈസല് മക്കരപറമ്പ് എന്നിവര് സംസാരിച്ചു. ഷൗക്കത്ത് പുഴക്കാട്ടിരി സ്വാഗതവും, ഇബ്രാഹിം തേറമ്പില് നന്ദിയും പറഞ്ഞു.
Related News
