ജിദ്ദ: ആസന്നമായ പുണ്യമാത്തെ വരവേല്‍ക്കാന്‍ സൈന്റ ഫോര്‍ ഇന്‍ഫര്‍മേഷന്‍ ആന്റ് ഗൈഡന്‍സ് ഇന്ത്യ (സിജി) ജിദ്ദ ചാപ്റ്ററിന് കീഴില്‍ റമദാന്‍ ആരോഗ്യ പരിപാടി സംഘടിപ്പിക്കുന്നു. ഉപവാസ സംബന്ധമായി വിശ്വാസികള്‍ക്ക് കരുത്ത് പകരാനും നോമ്പനുഷ്ടിക്കുമ്പോള്‍ ആരോഗ്യപരമായും മാനസികമായും അവര്‍ സ്വീകരിക്കേണ്ട മുന്നൊരുക്കങ്ങളെ കുറിച്ചും പരിപാടിയില്‍ ബോധവല്‍ക്കരണം നടത്തുന്നതാണ്. കേരളത്തിലെ പ്രമുഖ ഹെല്‍ത് കോച്ചും ഹാര്‍മണി വെല്‍നെസിന്റെ സ്ഥാപകനുമായ ഡോ. മന്‍ജുനാദ് സുകുമാരനും ന്യൂട്രണിസ്റ്റ് തസ്‌ലീന റാബിയയും ആരോഗ്യ സംബന്ധമായ പ്രഭാഷണങ്ങള്‍ നിര്‍വ്വഹിക്കും.

ഫെബ്രുവരി 13 ന് വെള്ളിയാഴ്ച വൈകുന്നേരം 3:45 സീസണ്‍സ് റസ്റ്റാറൈന്റില്‍ നടക്കുന്ന പരിപാടിയില്‍, സിജിയുടെ കീഴില്‍ നടത്തിവരുന്ന പ്രതിമാസ ക്രയറ്റിവ് ലീഡര്‍ഷിപ്പ് പ്രോഗ്രാമിന്റെ മറ്റ് വൈവിധ്യമാര്‍ന്ന പരിപാടികളും തുടര്‍ന്ന് നടക്കുമെന്ന് ഭാരവാഹികള്‍ അറിയിച്ചു. കൂടുതല്‍ വിവരങ്ങള്‍ക്ക് 050466 5624 റഷീദ് അമീറുമായി മൊബൈലില്‍ ബന്ധപ്പെടുക.