റിയാദ്: രാജ്യത്ത് മഴ ലഭിക്കുന്നതിനായി നാളെ സൗദി അറേബ്യയിലുടനീളം പ്രത്യേക പ്രാര്ത്ഥന നടത്താന് തിരുഗേഹങ്ങളുടെ സേവകന് സല്മാന് ബിന് അബ്ദുല് അസീസ് രാജാവ് ആഹ്വാനം ചെയ്തു. പ്രവാചകന് മുഹമ്മദ് നബി (സ) യുടെ ചര്യ പിന്തുടര്ന്നാണ് രാജ്യം മഴയ്ക്കായുള്ള നമസ്കാരത്തിനൊരുങ്ങുന്നത്.
രാജ്യത്തെ എല്ലാ പള്ളികളിലും പ്രത്യേക നമസ്കാരം നടക്കും. പ്രാപ്തിയുള്ള എല്ലാ വിശ്വാസികളും പ്രാര്ത്ഥനയില് പങ്കുചേരണമെന്ന് രാജാവ് അഭ്യര്ത്ഥിച്ചു.
മഴ ലഭിക്കുന്നതിനായി എല്ലാവരും ആത്മാര്ത്ഥമായി പശ്ചാത്തപിക്കുകയും അല്ലാഹുവിനോട് പാപമോചനം തേടുകയും വേണം. സഹജീവികളോട് കരുണ കാണിക്കാനും, ദാനധര്മ്മങ്ങള് വര്ദ്ധിപ്പിക്കാനും, പ്രാര്ത്ഥനയിലും സല്കര്മ്മങ്ങളിലും മുഴുകാനും പ്രസ്താവനയില് ഓര്മ്മിപ്പിച്ചു.
മഴക്കായുള്ള നമസ്കാരത്തിലൂടെ രാജ്യത്തെ ജനങ്ങള്ക്കും ഭൂമിക്കും അല്ലാഹു തന്റെ കാരുണ്യം വര്ഷിക്കട്ടെ എന്ന് പ്രാര്ഥിക്കുന്നതായി രാജകൊട്ടാരം അറിയിച്ചു.
Related News
