ജിദ്ദ: പീപ്പിള്സ് കള്ചറല് ഫോറം (പി.സി.എഫ്) ജി.സി.സി മലപ്പുറം ജില്ലാ കമ്മിറ്റിയുടെ 2026-27 വര്ഷത്തേക്കുള്ള പുതിയ ഭാരവാഹികളെ തിരഞ്ഞെടുത്തു. ഫെബ്രുവരി 12-ന് ചേര്ന്ന ഓണ്ലൈന് ജനറല് ബോഡി യോഗത്തിലാണ് തിരഞ്ഞെടുപ്പ് നടന്നത്. നിലവിലെ ജില്ലാ പ്രസിഡന്റ് സിദ്ധീഖ് സഖാഫി മഞ്ഞപ്പെട്ടി അധ്യക്ഷത വഹിച്ചു. പി.ഡി.പി മലപ്പുറം ജില്ലാ സെക്രട്ടറിയും പി.സി.എഫ് ജില്ലാ വെല്ഫെയര് ബോര്ഡ് ചെയര്മാനുമായ ഷാഹിര് മൊറയൂര് യോഗം ഉദ്ഘാടനം ചെയ്തു. പി.ഡി.പി ചെയര്മാന് അബ്ദുല് നാസര് മഅദനി അംഗീകരിച്ച പുതിയ കമ്മിറ്റിയെ സംസ്ഥാന ജനറല് സെക്രട്ടറിയും പി.സി.എഫ് ചുമതലയുമുള്ള മജീദ് ചേര്പ്പ് പ്രഖ്യാപിച്ചു.
പുതിയ ഭാരവാഹികള്: പ്രസിഡന്റ്: കെ. ശിഹാബ് വേങ്ങര, സെക്രട്ടറി: ഷാഫി കഞ്ഞിപ്പുര, ട്രഷറര്: മുസ്തഫ തിരുനെല്ലി, വൈസ് പ്രസിഡന്റുമാര്: സൈതലവി വൈലത്തൂര്, ജിനാസ് ഏറനാട്, ഷംസു പതിനാറുങ്ങല്, ഇര്ഫാന് പാലക്കല്, ജോയിന്റ് സെക്രട്ടറിമാര്: ലിംഷാദ് മമ്പുറം (മീഡിയ), അലി തൃപ്രങ്ങോട്, അബ്ദുല് കരീം പൊന്മുണ്ടം, ഫാറൂഖ് പുതുപൊന്നാനി.
എസ്.ഐ.ആര് പട്ടികയില് നിന്ന് ന്യൂനപക്ഷ പേരുകള് ഒഴിവാക്കുന്നതിനെതിരെയും, പൗരത്വ ഭേദഗതി നിയമം നടപ്പിലാക്കാനുള്ള നീക്കങ്ങള്ക്കെതിരെയും യോഗം ശക്തമായി പ്രതിഷേധിച്ചു. മുസ്ലിം-ദലിത്-ക്രിസ്ത്യന് വിഭാഗങ്ങള്ക്കെതിരായ ഫാസിസ്റ്റ് ഭീകരതയെ ചെറുക്കണമെന്നും യോഗം ആഹ്വാനം ചെയ്തു.
Related News
