ജിദ്ദ- റമദാന് മാസത്തില് ഉംറ തീര്ത്ഥാടകരുടെ യാത്ര സുഗമമാക്കുന്നതിനായി ഹറമൈന് ഹൈസ്പീഡ് ട്രെയിന് സര്വീസുകളുടെ എണ്ണത്തില് വലിയ വര്ദ്ധനവ് വരുത്തി. മക്ക, മദീന, ജിദ്ദ എന്നീ നഗരങ്ങളെ ബന്ധിപ്പിക്കുന്ന ട്രെയിനുകളുടെ സമയക്രമത്തില് മാറ്റം വരുത്തിയിട്ടുണ്ട്.
നോമ്പുതുറ സമയത്തും തറാവീഹ് നമസ്കാര സമയത്തും തീര്ത്ഥാടകര്ക്ക് ബുദ്ധിമുട്ടില്ലാത്ത രീതിയിലാണ് പുതിയ ഷെഡ്യൂള് ക്രമീകരിച്ചിരിക്കുന്നത്. തിരക്ക് നിയന്ത്രിക്കാന് കൂടുതല് ജീവനക്കാരെയും സ്റ്റേഷനുകളില് വിന്യസിച്ചിട്ടുണ്ട്.
യാത്രക്കാര്ക്ക് മുന്കൂട്ടി ടിക്കറ്റ് ബുക്ക് ചെയ്യാനുള്ള സംവിധാനം ആപ്പ് വഴിയും വെബ്സൈറ്റ് വഴിയും ലഭ്യമാണ്. സീറ്റുകള് നേരത്തെ റിസര്വ് ചെയ്യുന്നത് യാത്ര സുഗമമാക്കാന് സഹായിക്കുമെന്ന് റെയില്വേ അധികൃതര് അറിയിച്ചു.
മക്കയിലെ ഹറമിലേക്കും മദീനയിലെ മസ്ജിദുന്നബവിയിലേക്കും എത്തുന്ന ലക്ഷക്കണക്കിന് ആളുകള്ക്ക് ഈ സേവനം വലിയ ആശ്വാസമാകും. ആധുനിക സൗകര്യങ്ങളോടു കൂടിയ യാത്രയാണ് തീര്ത്ഥാടകര്ക്കായി ഒരുക്കിയിരിക്കുന്നത്.
Related News
