മക്ക: റമദാനിലെ അവസാന പത്ത് പുണ്യദിനങ്ങളില്‍ മക്കയിലെ മസ്ജിദുല്‍ ഹറാമിലും മദീനയിലെ മസ്ജിദുന്നബവിയിലും ഇഅ്തികാഫ് (ഭജനമിരിക്കല്‍) ഇരിക്കാന്‍ ആഗ്രഹിക്കുന്നവര്‍ക്കുള്ള രജിസ്ട്രേഷന്‍ ആരംഭിച്ചതായി ഇരുഹറം കാര്യാലയം അറിയിച്ചു. സ്ത്രീകള്‍ക്കും പുരുഷന്മാര്‍ക്കും ഒരുപോലെ ഇഅ്തികാഫിനായി അപേക്ഷിക്കാവുന്നതാണ്. താല്പര്യമുള്ളവര്‍ അതോറിറ്റിയുടെ ഔദ്യോഗിക വെബ്സൈറ്റില്‍ (https://eservices.alharamain.gov.sa/ips/itikafRequests/create) ലോഗിന്‍ ചെയ്ത് പുതിയ അക്കൗണ്ട് രൂപീകരിക്കുകയോ, സ്വദേശികളും താമസക്കാരുമാണെങ്കില്‍ നഫാദ് പ്ലാറ്റ്‌ഫോം വഴിയോ അപേക്ഷ സമര്‍പ്പിക്കേണ്ടതാണ്.

അപേക്ഷകര്‍ നിബന്ധനകള്‍ അംഗീകരിക്കുകയും ആവശ്യമായ വിവരങ്ങള്‍ പൂര്‍ത്തിയാക്കുകയും വേണം. മക്കയിലോ മദീനയിലോ തങ്ങള്‍ക്ക് താല്പര്യമുള്ള സ്ഥലം തിരഞ്ഞെടുക്കാന്‍ അപേക്ഷകര്‍ക്ക് അവസരമുണ്ടാകും. സ്ഥലപരിമിതി കണക്കിലെടുത്ത് അപേക്ഷകള്‍ പരിശോധിച്ച് സ്ഥല ലക്ഷ്യതക്കനുസരിച്ചായിരിക്കും അനുമതി നല്‍കുക.