മദീന-സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിന് സല്മാന് മദീനയില് സന്ദര്ശനം നടത്തി. മസ്ജിദുന്നബവിയിലെത്തിയ അദ്ദേഹം റൗദ ശരീഫില് നമസ്കരിക്കുകയും പ്രവാചകന്റെയും അനുചരന്മാരുടെയും ഖബറിടങ്ങളില് സലാം അര്പ്പിക്കുകയും ചെയ്തു. തുടര്ന്ന് മദീനയിലെ റോയല് പാലസില് പൗരന്മാരുമായും പ്രമുഖ വ്യക്തികളുമായും അദ്ദേഹം കൂടിക്കാഴ്ച നടത്തി.
മദീനയിലെ വികസന പദ്ധതികളെക്കുറിച്ചും തീര്ത്ഥാടകര്ക്ക് നല്കുന്ന സേവനങ്ങളെക്കുറിച്ചും അദ്ദേഹം ഉദ്യോഗസ്ഥരുമായി ചര്ച്ച ചെയ്തു. ഭരണകൂടവും ജനങ്ങളും തമ്മിലുള്ള ബന്ധം കൂടുതല് ഊഷ്മളമാക്കുന്നതിന്റെ ഭാഗമായാണ് ഇത്തരം കൂടിക്കാഴ്ചകള് സംഘടിപ്പിക്കുന്നത്. വിഷന് 2030-ന്റെ ഭാഗമായി വിശുദ്ധ നഗരങ്ങളില് നടപ്പിലാക്കുന്ന വന്കിട വികസന പ്രവര്ത്തനങ്ങള് അദ്ദേഹം വിലയിരുത്തി.
മദീനയിലെ ജനങ്ങള് കിരീടാവകാശിക്ക് ആവേശകരമായ സ്വീകരണമാണ് നല്കിയത്. വിശ്വാസികള്ക്ക് കൂടുതല് സൗകര്യങ്ങള് ഒരുക്കുന്നതിനും നഗരത്തിന്റെ പൈതൃകം സംരക്ഷിക്കുന്നതിനും കിരീടാവകാശി നല്കുന്ന ശ്രദ്ധയ്ക്ക് പ്രദേശവാസികള് നന്ദി അറിയിച്ചു.
Related News
