റിയാദ്- സൗദി അറേബ്യയുടെ വിവിധ ഭാഗങ്ങളില് ശക്തമായ കാറ്റിനും പൊടിപടലങ്ങള് നിറഞ്ഞ കാലാവസ്ഥക്കും സാധ്യതയുണ്ടെന്ന് ദേശീയ കാലാവസ്ഥാ നിരീക്ഷ കേന്ദ്രം അറിയിച്ചു. തബൂക്ക്, മദീന, മക്ക എന്നീ പ്രവിശ്യകളില്, പ്രത്യേകിച്ച് തീരദേശ മേഖലകളില് കാറ്റ് ശക്തമാകാന് സാധ്യതയുണ്ട്. ഇത് കാഴ്ചപരിധി കുറയ്ക്കുന്ന രീതിയില് മണല്ക്കാറ്റിന് കാരണമായേക്കാം.
വടക്കന് അതിര്ത്തികള്, അല്-ജൗഫ്, ഹായില്, അല്-ഖസീം, റിയാദ്, കിഴക്കന് പ്രവിശ്യ എന്നിവിടങ്ങളിലും സമാനമായ രീതിയില് പൊടിക്കാറ്റ് വീശാന് സാധ്യതയുണ്ട്. രാജ്യത്തിന്റെ തെക്കന് മേഖലകളായ ജിസാന്, അസീര്, അല്-ബാഹ എന്നിവിടങ്ങളില് ഒറ്റപ്പെട്ട മഴക്കും മൂടല്മഞ്ഞിനും സാധ്യതയുണ്ട്. കൂടാതെ, രാജ്യത്തിന്റെ വടക്കന് ഭാഗങ്ങളിലും സമാനമായ രീതിയില് മൂടല്മഞ്ഞ് രൂപപ്പെട്ടേക്കാം. യാത്രക്കാര്ക്കും വാഹനമോടിക്കുന്നവര്ക്കും ജാഗ്രത പാലിക്കാന് നിര്ദ്ദേശമുണ്ട്. വടക്കന്, മധ്യ ഭാഗങ്ങളില് വടക്കുപടിഞ്ഞാറന് ദിശയില് നിന്നും, തെക്കന് ഭാഗത്ത് തെക്കുകിഴക്ക്/തെക്കുപടിഞ്ഞാറന് ദിശയില് നിന്നും കാറ്റ് വീശും.
Related News
