ജറുസലേം: വ്യോമപ്രതിരോധ രംഗത്തെ അത്യാധുനിക സംവിധാനമായ 'അയണ് ഡോം' സാങ്കേതികവിദ്യ ഇന്ത്യക്ക് കൈമാറാന് സന്നദ്ധത പ്രകടിപ്പിച്ച് ഇസ്രയേല്. പ്രധാനമന്ത്രി നരേന്ദ്ര മോദിയുടെ ഇസ്രയേല് സന്ദര്ശനത്തിന് മുന്നോടിയായാണ് ഈ സുപ്രധാന നീക്കം. ഇന്ത്യയിലെ ഇസ്രയേല് കോണ്സല് ജനറല് യാനിവ് റെവാച്ച് ആണ് ഇക്കാര്യം വെളിപ്പെടുത്തിയത്.
അയണ് ഡോം സാങ്കേതികവിദ്യ നല്കുന്നതിലൂടെ ഇന്ത്യയുടെ വ്യോമപ്രതിരോധ ശേഷി വര്ദ്ധിപ്പിക്കുകയാണ് ലക്ഷ്യം. പ്രതിരോധ ഉപകരണങ്ങള് ഇന്ത്യയില് തന്നെ നിര്മ്മിക്കുന്നതിനായുള്ള സഹകരണവും ഉറപ്പാക്കും. ആയുധ ഇടപാടുകള്ക്കപ്പുറം ഗവേഷണത്തിനും നവീകരണത്തിനും മുന്ഗണന നല്കുന്ന ദീര്ഘകാല ബന്ധമായിരക്കും ഇസ്രായിലും ഇന്ത്യയും സ്ഥാപിക്കുകയെന്നും അദ്ദേഹം പറഞ്ഞു.
ഇരുരാജ്യങ്ങളിലെയും സ്വകാര്യ കമ്പനികള് തമ്മിലുള്ള സഹകരണം വഴി കൂടുതല് നിക്ഷേപവും തൊഴിലവസരങ്ങളും സൃഷ്ടിക്കപ്പെടുമെന്നും കരുതുന്നു. ഭീകരവാദത്തെയും മറ്റ് സുരക്ഷാ വെല്ലുവിളികളെയും സംയുക്തമായി നേരിടുന്നതിനായി ഒരു പുതിയ പ്രതിരോധ സഖ്യം രൂപീകരിക്കാനും ഇസ്രയേല് താല്പര്യം പ്രകടിപ്പിച്ചിട്ടുണ്ട്. ഇന്ത്യ, എബ്രഹാം ഉടമ്പടിയിലെ രാജ്യങ്ങള്, ഗ്രീസ്, സൈപ്രസ്, ചില ആഫ്രിക്കന് രാജ്യങ്ങള് എന്നിവയാണ് ഇതില് ഉള്പ്പെടുക.
'സമാനമായ സുരക്ഷാ വെല്ലുവിളികള് നേരിടുന്ന രാജ്യങ്ങള് എന്ന നിലയില്, ഇന്ത്യയുമായുള്ള ബന്ധം പുതിയ തലത്തിലേക്ക് ഉയര്ത്താനാണ് ഞങ്ങള് ആഗ്രഹിക്കുന്നത്. പ്രധാനമന്ത്രി നരേന്ദ്ര മോദിയെ സ്വീകരിക്കാന് രാജ്യം ആവേശത്തോടെ കാത്തിരിക്കുകയാണെന്നും റൂവന് അസര് പറഞ്ഞു.
പ്രധാനമന്ത്രിയുടെ സന്ദര്ശനത്തോടെ പ്രതിരോധം, നയതന്ത്രം എന്നീ മേഖലകളില് ഇന്ത്യയും ഇസ്രയേലും തമ്മിലുള്ള ബന്ധം കൂടുതല് കരുത്താര്ജ്ജിക്കുമെന്നാണ് വിലയിരുത്തപ്പെടുന്നത്.
Related News
