ജിദ്ദ: കടൽ കടന്നെത്തിയ അനന്തപുരിയുടെ സ്നേഹവും സൗഹൃദവും പങ്കുവെച്ച് ജിദ്ദയിലെ തിരുവനന്തപുരം നിവാസികളുടെ കൂട്ടായ്മയായ തിരുവനന്തപുരം സ്വദേശി സംഗമം സംഘടിപ്പിച്ച ഇഫ്താർ വിരുന്ന് പ്രവാസികൾക്ക് ആവേശമായി. ജിദ്ദ ഗോൾഡൻ പേൾ ഹോട്ടലിൽ നടന്ന ചടങ്ങിൽ ജിദ്ദയുടെ വിവിധ ഭാഗങ്ങളിൽ നിന്നുള്ള തിരുവനന്തപുരം സ്വദേശികളും സാമൂഹിക-സാംസ്കാരിക-മാധ്യമ രംഗത്തെ പ്രമുഖരും ഒത്തുചേർന്നു.
സൗദി അറേബ്യയുടെ സ്ഥാപക ദിനാഘോഷങ്ങളുടെ പശ്ചാത്തലത്തിൽ സംഘടിപ്പിക്കപ്പെട്ട ഈ സംഗമം റമദാനിന്റെ പവിത്രതയും സാഹോദര്യവും വിളിച്ചോതുന്നതായി. നാട്ടിലെ നോമ്പുകാല ഓർമ്മകൾ പുതുക്കാനും പ്രവാസലോകത്തെ സൗഹൃദങ്ങൾ ദൃഢമാക്കാനും ഈ ഒത്തുചേരൽ ഒരു വേദിയായി.
പരിപാടിയുടെ വിജയത്തിനായി ടി.എസ്.എസ് ഭാരവാഹികൾ സജീവമായി രംഗത്തുണ്ടായിരുന്നു:
തരുൺ രത്നാകരൻ (പ്രസിഡന്റ്), ജാഫർ ഷെരീഫ് (ജനറൽ സെക്രട്ടറി), ഷാഹിൻ ഷാജഹാൻ (ട്രഷറർ) എന്നിവരും
എക്സിക്യൂട്ടീവ് കമ്മിറ്റി അംഗങ്ങളും നേതൃത്വം നൽകി. ഒരുമയുടെയും സഹിഷ്ണുതയുടെയും സന്ദേശം പകർന്നുനൽകിയാണ് പരിപാടി സമാപിച്ചത്.
