ജിസാന്: ബെയിഷ് ആലിയയില് 41 വര്ഷമായി സൂപ്പര്മാര്ക്കറ്റ് ജീവനക്കാരനായി ജോലിചെയ്യുന്ന മലപ്പുറം ഒഴൂര് ഓമച്ചപ്പുഴ സ്വദേശി വി.കെ.മുഹമ്മദ് ഷാഫി പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്നു. നാട്ടില് നിന്ന് 1985 ല് ജിസാനില് എത്തിയതു മുതല് ബെയിഷ് ആലിയയിലെ ഷേഖാന സൂപ്പര് മാര്ക്കറ്റില് ജോലിചെയ്യുന്ന മുഹമ്മദ് ഷാഫി ജിസാനിലെ ആദ്യകാല പ്രവാസി മലയാളികളില് ഒരാളാണ്. ജിസാനിലും ബെയിഷിലുമായി വലിയൊരു സുഹൃത്ത് വലയത്തിന് ഉടമയുമാണ്.
ആലിയ പ്രവാസി മലയാളി കൂട്ടായ്മയും സുഹൃത്തുക്കളും ചേര്ന്ന് കഴിഞ്ഞ ദിവസം മുഹമ്മദ് ഷാഫിക്ക് യാത്രയയപ്പ് നല്കി. ആലിയയില് നടന്ന യാത്രയയപ്പ് ചടങ്ങില് സ്പോണ്സര് മൂസ അഹ്മജ് ആശംസാ ഫലകം മുഹമ്മദ് ഷാഫിക്ക് കൈമാറി. ജല കേന്ദ്ര കമ്മിറ്റി വൈസ് പ്രസിഡന്റ് ഹനീഫ മൂന്നിയൂര്, ബെയിഷ് യൂണിറ്റ് സെക്രട്ടറി മാഹിന് കൊല്ലം, ഷെമി കോഴിക്കോട്, ഇസ്മായില് കാവന്നൂര്, മുനീര്, റബീഹ് തലപ്പാറ, മുഹമ്മദലി കോഴിക്കോട്, നൗഫല് എന്നിവര് ആശംസകള് നേര്ന്നു. മലപ്പുറം ഓമച്ചപ്പുഴ വേരുംകുണ്ടന് പോക്കറിന്റെയും ഉമയ്യാക്കുട്ടിയുടെയും മകനാണ് മുഹമ്മദ് ഷാഫി. ഖദീജയാണ് ഭാര്യ. മക്കളും കുടുംബവുമൊത്ത് നാട്ടില് വിശ്രമജീവിതം നയിക്കാന് ആഗ്രഹിക്കുന്ന മുഹമ്മദ് ഷാഫി ഈ ആഴ്ച നാട്ടിലേക്ക് മടങ്ങും.
Related News
