ജിദ്ദ: ജിദ്ദയില് എടവണ്ണ മഹല്ല് കമ്മറ്റി ഫാമിലി ഇഫ്താര് സംഘടിപ്പിച്ചു. ജിദ്ദ ദേ പുട്ട് ഓഡിറ്റോറിയത്തില് നടന്ന ചടങ്ങില് നിരവധി കുടുംബങ്ങള് പങ്കെടുത്തു. സംഗമത്തില് ഇസുദ്ദീന് സ്വലാഹി റമദാന് സന്ദേശം നല്കി. പരിശുദ്ധ റമദാന് മാസത്തിന് സാക്ഷികളാകാന് കഴിയുന്നത് വലിയ ഭാഗ്യമാണെന്നും, ആരാധനാ കര്മ്മങ്ങള്ക്കും ദാനധര്മ്മങ്ങള്ക്കുമായി ഈ പുണ്യസമയം പരമാവധി പ്രയോജനപ്പെടുത്തണമെന്നും അദ്ദേഹം ഓര്മ്മിപ്പിച്ചു.
പ്രസിഡന്റ് സാക്കിര് ഹുസൈന് മദാരി അധ്യക്ഷത വഹിച്ച ചടങ്ങില് സെക്രട്ടറി ഷിജു എരഞ്ഞിക്കല് ആമുഖ പ്രഭാഷണം നടത്തി. കരീം സുല്ലമി, ഫൈസല് പി.സി, സുഫയാന് മീമ്പാറ്റ, ഇഖ്ബാല് മാസ്റ്റര് എന്നിവര് ആശംസകള് നേര്ന്നു. റിയാദ് ഖാന്, സമീര് കടവത്ത്, മുജീബ് ബാപ്പു, റിഷാദ് പറമ്പന്, അനീസ് സി പി, ഡോക്ടര് സാജിദ് എന്നിവര് നേതൃത്വം നല്കി. ട്രഷറര് ജമാല് പി.സി നന്ദി പറഞ്ഞു. സദാ സാജിദ് ഖിറാത്ത് നടത്തി. പ്രവാസ മണ്ണില് സ്നേഹവും സൗഹൃദവും പുതുക്കുന്ന വേദിയായി ഇഫ്താര് സംഗമം മാറി.
Related News
